Kim Clijsters tan wildcard

Tennis inelna buatsaih tuten an player duhsak zawng hnena an pek ṭhin wildcard chu Kim Clijsters hnenah pek a ni. Tun hnaia rawn kir hlim Clijsters hi Indian Wells-ah a hmel kan hmuh theih phah ang.

Grand Slam vawi li champion tawh Clijsters hian a vawi hnih nan 2012 khan tennis a chawlhsan, nikum tawp lam aṭang khan training nei leh tawhin Dubai Tennis Championships-ah pawh a inlan leh tawh.

Indian Wells inelna buatsaihtu lam hian Rafael Nadal leh Novak Djokovic te chu singles chauh ni loin doubles khel tur pawhin an duh, player ropui pahnih hi doubles huang bik atan wildcard an pe bawk.