Match li chak zawn Mizoram

India ram huap hmeichhe cricket inelna Women's Senior One Day Trophy (2020-21) khelh laiah Mizoram chu a zawnin vawi li an chak ta! Nimin khan Mizoram hian Sikkim lakah run liin hnehna an chang.

Alur Cricket Stadium III, Bangalore a inelna neihah, ṭhum vawrah Sikkim an vannei zawk a, vawm hmasak an thlang. Mizoram lamin over 50 chhungin run 178/9 an siam a, target sang tak an siam lem lo. Amaherawhchu, Mizoram ball vawm thiamten Sikkim an chhaih buai a, plate group lama an elpui hian over 50 chhungin run 174/7 bak an siam thei lo.

Mizoram hian an match hmasa pathumah - Arunachal Pradesh, Jammu and Kashmir leh Manipur an hneh tawh, Sikkim an hneh leh tak avangin knockout round luh beiseina an nei sang zel. March 19, Zirtawpni hian Pondicherry an hmachhawn leh dawn a, an group match hnuhnung ber atan March 21, Pathianniah Bihar nen an inhmachhawn ang.