I League aṭangin Neroca an tla

March 16, Thawhlehni zan khan Neroca-in Sudeva Delhi 1-0 in an hneh lo a, Manipur club hi I League aṭangin an tla.

Kalyani Stadium-a inkhela goal awmchhun hi Sudeva defender Gursimrat Singh Gill-a'n first half injury time-ah a khung a, Neroca-in a chhanletna an nei lo.

Manipur club Neroca hian February 19 khan Sudeva hi 2-0 in an hneh a, amaherawhchu hemi hnu hian Churchill Brothers (1-0), RoundGlass Punjab (1-0), Indian Arrows (3-0) leh Aizawl FC (1-0) te hmachhawn leh tawhin an chak lo vek. 

Aizawl FC coach hlui Gift Raikhan kaihhruai Neroca hian match hnuhnung pangaa point an hmuh loh tawp avangin foreigner pawh nei lo Indian Arrows hnuaiah an awm. Manipur club hian match khat khelh hmabak la nei mah se relegate thei zinga mi Chennai City an umphak theih tawh loh avangin an relegate ta a ni.

March 16, Thawhlehni
Aizawl FC    1 - 2    Indian Arrows
AFC : R. Malsawmtluanga 22'
IND : Parthib Gogoi 11'; Lalchhanhima Sailo 36'
Sudeva Delhi    1 - 0    Neroca
SUD : Gursimrat Singh 45+1'

March 20, Inrinni
Sudeva Delhi    2:00 PM    Indian Arrows
Chennai City    7:00 PM    Aizawl FC
Round tawp ber (Inkhelh hun la hriat loh)
Neroca    Vs    Chennai City
Aizawl FC    Vs    Sudeva Delhi