Wenger-a'n World Cup neih zin a duh
Arsene Wenger chuan kum li dana World Cup neih ṭhin chu player tan a inkar a hla lutuk a ti a, khawvel huap football inelna lian ber hi kum hnih danah neih theih ni se a ṭhat a rin thu a sawi.
Kum 71 mi Wenger chuan, "World Cup hi en ila, a tlangpui thuin kum 27 emaw 28 emaw an ni ṭhin. Ram tana khel phak nih a har a, a bikin inelna liana tel a harsa. A lehpek a lo thlen meuh chuan kum 30 an lo chuang hman tawh ṭhin.
"Kum hnih danah emaw World Cup hi neih theih ni se a ṭhat a rinawm," a ti. World Cup hi 1930 aṭang khan khelh ṭan a ni a, 1942 leh 1946 khan indopui pahnihna vangin an nei thei lo, a bak zawngah chuan kum li danah vek neih a ni.
World Cup bakah hian 1960 aṭangin European Championship chu kum li danah neih ṭhin a ni. Nikum khan Euro neih kum ni mah se Covid-19 vangin an nei thei lo, kumin nipui laia neih tum a ni ang.
Arsenal manager Wenger hlui hian 2019 aṭang khan FIFA chief of global football development hna a thawk a, president Gianni Infantino-a thurawn petu (adviser) a ni tel bawk.
Arsenal manager Wenger hlui hian 2019 aṭang khan FIFA chief of global football development hna a thawk a, president Gianni Infantino-a thurawn petu (adviser) a ni tel bawk.