Gladbach tan Man City an thiam hret
Manchester City-in harsatna nei loin Champions League quarterfinal an lut. Pep Guardiola hote hian Thawhlehni zan khan Borussia Monchengladbach 2-0 in an hneh a, first leg-a an chak tawhna nen belh khawmin 4-0 in hnehna an chang.
Puskas Arena-ah Man City tan Kevin de Bruyne-a'n minute 12-na lekah goal hmahruai a khung a, Ilkay Gundogan-a'n minute 18-naah khung belh lehin minute 20 pawh tling loah goal hnih khung mah se goal dang a luh belh tawh lo.
Forward ngaisang lo?
Manchester City-in kartawpa Fulham 3-0 a an sawp ṭumin Kevin De Bruyne, Ilkay Gundogan, Riyad Mahrez, Kyle Walker leh Phil Foden te chhawr loin bench-ah a ṭhut tluantir a, Gladbach lakah hian heng player-te hian bul an ṭan vek.
Manchester City-in kartawpa Fulham 3-0 a an sawp ṭumin Kevin De Bruyne, Ilkay Gundogan, Riyad Mahrez, Kyle Walker leh Phil Foden te chhawr loin bench-ah a ṭhut tluantir a, Gladbach lakah hian heng player-te hian bul an ṭan vek.
Fulham nena tlarhmaa bul ṭan forward Sergio Aguero leh Gabriel Jesus te bench-ah an awm a, Brazilian forward hi a ṭhut tluan laiin Argentine forward hian minute 75-naah 'false nine' atana hman Bernardo Silva a thlak.
Pep Guardiola hote hian attacking football khel ṭhin mah se forward a dah pawimawh tawk ṭhin lo. City hian forward pangngai a neih chu Aguero (440 min) leh Jesus (1675 min) te chauh an ni a, an pahnihin tun season inelna hrang hranga an khelh zat minute chu 2115 chauh a ni.
Forward pahnih hian defender Ruben Dias (3635 min) aiin 1520 minutes in an khel tlem zawk a, Pep hian tlarhmaah forward aiin attacking midfielder/winger Bernardo Silva, Raheem Sterling, De Bruyne leh Ferran Torres te thlan chang a ngah hle.
Man City hian squad thuam chak nan sum a hmang nasa a, Jesus hnuah forward langsar an la leh lo. Tlarhnung lam ti chak tur erawhin sum an seng nasa hle. Kum li chhungin Pep Guardiola hoten tlarhnung thuam ṭhat nan pound maktaduai 350 vel an hmang.
Goal khung thei
Tlarhnung lamah Man City-in sum hmang tam mah se goal khung erawh an ṭhulh chuang lo. Pep-a hote hian tun season-ah goal 101 an khung tling ta a, season riat chhung a zawn zatin goal 100 an khung tlinna a ni.
Tlarhnung lamah Man City-in sum hmang tam mah se goal khung erawh an ṭhulh chuang lo. Pep-a hote hian tun season-ah goal 101 an khung tling ta a, season riat chhung a zawn zatin goal 100 an khung tlinna a ni.
Gladbach nen pawh hian goal khung turin hun an mamawh rei lo. Minute 12-na lekah De Bryune-a'n a ke vei lamin a pet goal a, minute ruk hnuah Gundogan-a'n Phil Foden hnena aṭanga a ball hmuh chu goalkeeper Yann Sommer-a kap karah a khung.
Goal venhim kawngah pawh Man City hi an ṭha ta hle. Gladbach lakah goal an chhuah lo a, tun season Champions League-ah goal khat chiah an la chhuah. Premier League-ah pawh goal 21 chauh chhuahin goal chhuah tlem ber an ni.
Nomawi pali
Manchester City hi nomawi pali la thei dinhmunah an ding. Pep Guardiola hote hian Premier League nomawi an la chiang tawhah a ngaih theih a, League Cup-ah final thleng tawhin Tottenham Hotspur nen April 25-ah an inhmachhawn dawn.
Manchester City hi nomawi pali la thei dinhmunah an ding. Pep Guardiola hote hian Premier League nomawi an la chiang tawhah a ngaih theih a, League Cup-ah final thleng tawhin Tottenham Hotspur nen April 25-ah an inhmachhawn dawn.
FA Cup-ah a sang pariat zingah telin Inrinni zan dar 11:00 hian Everton nen Goodison Park-ah an inhmachhawn dawn. Pep Guardiola hote tana harsa ber tura lang chu Champions League a ni a, awlsam takin quarterfinal lut mah se a sang pariat chinah chuan hnehna a chan a harsa ṭalh tawh ang.
Quarterfinal leh Semifinal draw hi March 19, Zirtawpni tlai dar 4:30 hian Nyon, Switzerland-ah pawh a ni dawn. Real Madrid, Liverpool, PSG, Borussia Dortmund leh FC Porto ten quarterfinal an lut tawh a, nizan lamah Bayern Munich leh Lazio bakah Chelsea leh Atletico Madrid te an inkhel - team ṭha vek an ni tawh!
Pep a lawm
Manchester City manager Pep Guardiola chuan, "Inkhelh ṭan phat aṭang khan inkhel kan thunun a, kan khel ṭa hle a ni. Phil Foden leh Bernando Silva te hian theihna sang tak an nei a, player zawng zawng khan an theihna zawng zawng nen an khel a ni.
Manchester City manager Pep Guardiola chuan, "Inkhelh ṭan phat aṭang khan inkhel kan thunun a, kan khel ṭa hle a ni. Phil Foden leh Bernando Silva te hian theihna sang tak an nei a, player zawng zawng khan an theihna zawng zawng nen an khel a ni.
"Player an dam kim a, player paruk aṭanga pasarih kan thlak kual theih phah. Inelna zawng zawnga ṭha thei ang bera khelh kan tum a nih chuan player tin an inpeih hi a pawimawh. October aṭang khan kar khat chhung chawlh hi kan nei lo a, player inthlak kual hi a ṭul a ni," tiin a sawi.
March 16, Thawhlehni zan
Manchester City 2 - 0 Borussia M'Gladbach
MAN : Kevin de Bruyne 12'; Ilkay Gundogan 18'
Real Madrid 3 - 1 Atalanta
REA : Karim Benzema 34'; Sergio Ramos 60' (P); Marco Asensio 84'
ATA : Luis Muriel 83'
Manchester City 2 - 0 Borussia M'Gladbach
MAN : Kevin de Bruyne 12'; Ilkay Gundogan 18'
Real Madrid 3 - 1 Atalanta
REA : Karim Benzema 34'; Sergio Ramos 60' (P); Marco Asensio 84'
ATA : Luis Muriel 83'
* FC Porto, Borussia Dortmund, PSG, Liverpool, Real Madrid leh Manchester City ten quarterfinal an lut tawh.
* Nizan lamah Bayern Munich leh Lazio bakah Chelsea leh Atletico Madrid te an inkhel.
* Quarterfinal leh Semifinal draw hi March 19, Zirtawpni tlai dar 4:30 hian Nyon, Switzerland-ah pawh a ni ang.
* Nizan lamah Bayern Munich leh Lazio bakah Chelsea leh Atletico Madrid te an inkhel.
* Quarterfinal leh Semifinal draw hi March 19, Zirtawpni tlai dar 4:30 hian Nyon, Switzerland-ah pawh a ni ang.