Madrid Open champion Djokovic
Novak Djokovi chuan Stefanos Tsitsipas hnehin Madrid Open champion a ni a, Spain khawpuia clay court inelna lianah hian a vawi thum title lakna a ni bawk.
Pathianni zana final khelhah Djokovic hian Rafael Nadal hnehtu Tsitsipas hi darkar khat leh minute 32 chhungin 6-3, 6-4 in a hneh. Serbian tlangval hian Masters 1000 title 33 a la tling ta a, a elpui Nadal nen record nei ṭha ber an ni.
Inkhel chu
Park Manzanares, Madrid-a inkhelah world number 1 Djokovic hian set hmasa zawkah 3-0 in hma a hruai fal nghal a, service hmasa zawkin a khingpui service hmasa ber chu a chhuhsak zui nghal bawk a ni.
Park Manzanares, Madrid-a inkhelah world number 1 Djokovic hian set hmasa zawkah 3-0 in hma a hruai fal nghal a, service hmasa zawkin a khingpui service hmasa ber chu a chhuhsak zui nghal bawk a ni.
Set hnihnaah pawh Serbian tlangval bawk a che fuh, game khuana an khelh laiin Tsitsipas-a'n a service a hum zo lo leh a, tawnhriat ngah Djokovic-a'n a service a hloh duh bawk si loh avangin a chak tlang - tun tournament bikah set hloh miah loin a champion.
Australian Open nomawi a chawi hnuah Djokovic hian hlawhtlinna a chang chhunzawm mai bik lo, tournament a khelh hnuhnung pathumah vawi khat chiah quarterfinal a paltlang; 2011 leh 2016-a a hlawhtlina tawhna Madrid-ah erawh tennis a khelh hun chhunga a nomawi 74-na a vaw chhuak.
Australian Open nomawi a chawi hnuah Djokovic hian hlawhtlinna a chang chhunzawm mai bik lo, tournament a khelh hnuhnung pathumah vawi khat chiah quarterfinal a paltlang; 2011 leh 2016-a a hlawhtlina tawhna Madrid-ah erawh tennis a khelh hun chhunga a nomawi 74-na a vaw chhuak.
A pawimawh
Kum 31 mi Djokovic chuan, "Champion hi ka tan a pawimawh, inrintawkna ka neih belh theihna hun a ni. Australian Open hnua ka khelh ṭhat leh ber ṭum ka tawng a ni, boruak ṭha hi ka chhawm nun theih pawh ka beisei," a ti. Djokovic hian tun thla tawpa khelh tur French Open-ah hlawhtlinna a chang a nih chuan Grand Slam pali nomawi a kawl kim dawn.
Kum 31 mi Djokovic chuan, "Champion hi ka tan a pawimawh, inrintawkna ka neih belh theihna hun a ni. Australian Open hnua ka khelh ṭhat leh ber ṭum ka tawng a ni, boruak ṭha hi ka chhawm nun theih pawh ka beisei," a ti. Djokovic hian tun thla tawpa khelh tur French Open-ah hlawhtlinna a chang a nih chuan Grand Slam pali nomawi a kawl kim dawn.
A khingpui chungchang sawi zuiin Djokovic chuan, "Tsitsipas khan Nadal a hneh a, a hnu lawkah inkhel hautak tak min chhawpchhuah sak leh thei. Theihna a nei sang a, mipui ṭan a hlawh bawk. Inkhel hriat reng tawh tur min khelh pui avangin a chungah ka lawm," a ti.
Greek tlangval Tsitsipas hi kum 20 mi chauh a la ni a, kumina Grand Slam hmasa ber Australian Open-ah khan last 16-ah Roger Federer a hneh tawh a, semifinal-ah Nadal a hneh lo thung. Madrid Open-ah erawh Grand Slam vawi 17 champion tawh Nadal hneh chungin final a lut thei a ni.