IPL-ah Mumbai Indians an champion
Pathianni zan Indian Premier League final-ah cricket hmuhnawmna zawng zawng phochhuah a ni a, Mumbai Indians chuan run khat leka Chennai Super Kings hnehin an champion.
Champion leh pahnihna dinhmun inthlauhzia ngaihtuahin CSK tan run khat leka chak loh hi a uiawm vawng vawng ang a, Mumbai Indians tan champion a hlu lehzual ang. Hyderabad khawpuia final inkhelah hian CSK hian ball tawp berah chak turin run hnih lek an mamawh a, mahse wicket an hloh ta zawk - Lasith Malinga chuan an ball tawp berah hian Shardul Thakur a vawm out.
Mumbai Indians-in a vawi li nan IPL nomawi an chawi a, khawvel cricket league-a sum tamna berah hian champion ngun ber an ni - CSK hi vawi thum an champion tawh thung.
Beisei phak lo
Rajiv Gandhi International Stadium-ah Mumbai club an bat hmasa zawk a, an che ropui lo hle - over 12.3-ah run 89 chiah an tlin tihin wicket li an hloh fel der tawh a, run 29 siamtu Quinton de Kock awm lo se an dinhmun a chhe lehzual ang.
Rajiv Gandhi International Stadium-ah Mumbai club an bat hmasa zawk a, an che ropui lo hle - over 12.3-ah run 89 chiah an tlin tihin wicket li an hloh fel der tawh a, run 29 siamtu Quinton de Kock awm lo se an dinhmun a chhe lehzual ang.
Mumbai Indians dinhmun chhe lutuk tur chawi kan nan Kieron Pollard chuan ball 25 lekah run 41 rawn siamin a tawp thleng a dam bawk a, MI mualpho tur khuhna a ni. Rohit Sharma captain-na hnuaia khel team hian over 20-ah run 149 an tlin a, wicket riat an hloh - IPL final meuha heti zat run siam hi a tlem a, league round-a pakhatna Mumbai Indians dinhmun a chhia tih loh rual a ni lo.
CSK tan bowling lamah Deepak Chahar a che ṭha takzet a, kum 26 mi pace bowler hian over liah run 26 lek pein wicket thum a la a, wicket hnih ve ve latu Imran Tahir leh Shardul Thakur an che ṭha viau bawk.
Beiseina thamral
Chennai Super Kings bat hun a thleng a, opener Shane Watson chuan run 80 ngawt rawn siamin a tawp thleng a dam a, Chennai club tan beiseina sang tak a siam hman.
Chennai Super Kings bat hun a thleng a, opener Shane Watson chuan run 80 ngawt rawn siamin a tawp thleng a dam a, Chennai club tan beiseina sang tak a siam hman.
Mahse, CSK batsman dang ten an hna an tlin tawk lo. Watson nena rawn ding chhuak Faf du Plessis chu Australian batsman tih loha run siam hnem ber a ni a, ani pawh hian run 26 bak a tlin lo. Chennai Super Kings beiseina MS Dhoni meuh pawh run hnih chiah siam chungin a 'run out' a, pressure sanga zam ngai lo leh tawnhriat ngah Dhoni out hi a pawi vawng vawng.
Over 19.4-naah Watson a out zui a, final boruak a sang zual sauh - Chennai leh Mumbai Indians-in chak turin chance an la nei ve ve a, vanneihna chu lam ṭanga an mamawh a ni ta.
Hei le Malinga
Over tawp ber a ni tawh a, ball tawp ber a ni tawh. Chennai club hian run hnih lek an vaw chhuak a nih pawhin an chak ang a, run khat an siam a nih pawhin super over an khel ang.
Over tawp ber a ni tawh a, ball tawp ber a ni tawh. Chennai club hian run hnih lek an vaw chhuak a nih pawhin an chak ang a, run khat an siam a nih pawhin super over an khel ang.
Mumbai tana hetihlaia vawmtu chu run 49 pe tawha wicket la miah lo Lasith Malinga a ni a, CSK tana ding lah fast bowler Shardul Thakur a ni - kum 27 mi Thakur hian tun season IPL-ah final khelh hma zawng khan run 12 chiah a vaw chhuak ve. Final-a Malinga chet dan enin MI tan beisei tih san a harsa a, run hnih vaw chhuak tura Thakur beisei lah CSK tan thil harsa tak a ni bawk - club pahnih fans zingah ball tawp ber en ngam lo an awm nual a nih pawhin a mak lo.
MI tan ball tawp bernaah vanneihna a thleng a, tawnhriat ngah tawh Malinga chuan pressure sangah harsatna nei loin ṭha zetin a vawm a, Thakur hi 'lbw' hmangin a vawm out - Mumbai Indians an champion a, CSK an hawihai.
Number leh Final
1 - Mumbai Indians hi IPL final vawi nga an khel tawh a, vawi khat chiah an tlawm!
2 - Mumbai Indians-in final-a run khata hnehna an chan vawi hnihna a ni. Kum 2017 khan run khat vekin final-ah Rising Pune Supergiant an lo hneh tawh a, tuna final khelhna Hyderabad-ah tho hian an inkhel.
4 - Mumbai Indians hi IPL-a vawi li champion thei hmasa ber an ni a, anmahni hnaih bertu CSK chu vawi thum an champion tawh.
20 - Malinga kha 16 over bik a vawm lai khan run 20 an vuak chhuah sak a, mahse final over-ah run riat a venghim a, a ball tawp berah wicket a la zui.
26 - Imran Tahir chuan run 16.57 zela wicket la ang niin tun season IPL-ah wicket 26 a la a, ani aia wicket la hnem an awm lo - wicket 26 hi spinner-in IPL season khata wicket an lak hnem ber record a ni nghal bawk a, South Africa international hian wicket 24 ve ve la chunga 2012 & 13-a record lo siam tawh Sunil Narine (avg 13.50) leh Harbhajan Singh (19.00) te a khum.
40 - Imran Tahir hi final-a a inlan hian kum 40 leh ni 46 mi a ni a, IPL final-a inlan thei upa ber a ni.
197 - Shane Watson chuan run 80 siamin season hmasa final-ah khan run 117 a lo siam tawh bawk a, a run siam belhkhawm hi 197 a ni - IPL final-ah a zawna half century vaw chhuak thei hmasa ber a ni bawk.
132 - MS Dhoni chu IPL chanchina wicketkeeper hlawhtling ber a ni. Mi 132 ngawta 'out' tir a, catch 94 neiin 38 ngawt chu stumping hmangin an out - match 190 a khel. Dhoni hian Kolkata Knight Riders wicketkeeper Dinesh Karthik (131/182) a khum.
1 - Mumbai Indians hi IPL final vawi nga an khel tawh a, vawi khat chiah an tlawm!
2 - Mumbai Indians-in final-a run khata hnehna an chan vawi hnihna a ni. Kum 2017 khan run khat vekin final-ah Rising Pune Supergiant an lo hneh tawh a, tuna final khelhna Hyderabad-ah tho hian an inkhel.
4 - Mumbai Indians hi IPL-a vawi li champion thei hmasa ber an ni a, anmahni hnaih bertu CSK chu vawi thum an champion tawh.
20 - Malinga kha 16 over bik a vawm lai khan run 20 an vuak chhuah sak a, mahse final over-ah run riat a venghim a, a ball tawp berah wicket a la zui.
26 - Imran Tahir chuan run 16.57 zela wicket la ang niin tun season IPL-ah wicket 26 a la a, ani aia wicket la hnem an awm lo - wicket 26 hi spinner-in IPL season khata wicket an lak hnem ber record a ni nghal bawk a, South Africa international hian wicket 24 ve ve la chunga 2012 & 13-a record lo siam tawh Sunil Narine (avg 13.50) leh Harbhajan Singh (19.00) te a khum.
40 - Imran Tahir hi final-a a inlan hian kum 40 leh ni 46 mi a ni a, IPL final-a inlan thei upa ber a ni.
197 - Shane Watson chuan run 80 siamin season hmasa final-ah khan run 117 a lo siam tawh bawk a, a run siam belhkhawm hi 197 a ni - IPL final-ah a zawna half century vaw chhuak thei hmasa ber a ni bawk.
132 - MS Dhoni chu IPL chanchina wicketkeeper hlawhtling ber a ni. Mi 132 ngawta 'out' tir a, catch 94 neiin 38 ngawt chu stumping hmangin an out - match 190 a khel. Dhoni hian Kolkata Knight Riders wicketkeeper Dinesh Karthik (131/182) a khum.