South Korea hmachhawn tur zingah Siami
Hockey India chuan South Korea nena inhmachhawn tur Indian Women’s Hockey Team a puang a, an zingah hian Mizo nula Lalremsiami Hmar pawh a tel.
South Korea nen hian test match vawi thum an khel dawn a, an match hmasa ber atan May 20 hian Jinchun National Athletic Center, Jinchun-ah an inhmachhawn ang. India coach Sjoerd Marijne chuan Malaysia tour an neih ṭuma hliam vanga a hruai loh captain Rani Rampal a ko leh tawh a, captain Rani a awm takah chuan Siami tan goal khung kawngah mawhphurhna tam tak a chhawk zangkhai thei tura ngaih a ni.
Kolasib nula Siami hi a kum la naupang deuh mah se India tan thlan hmaih a ni ngai lo, Spain leh Malaysia-a an zin chhuah ṭumin hmatawngah rinrawl a ni - Malaysia tour bikah phei chuan match nga an khelhah goal a khung kim vek.India nulate hi Tokyo Olympic 2020 atan an insiamrem mek a, tun hnaia an zinchhuah hi June 15-23 chhunga khelh tur FIH Women’s Series Finals in enchhina pawimawh tak a ni ang.
Youth Olympic silver medalist Siami chuan, "Inelna kan khel hnem telh telh a, team pawh kan inpawh ṭha hle. India hi a sang thei ang ber thlenpui kan tum, tun ṭumah pawh hian theihtawp kan chhuah ang," a ti a, India bakah a bik takin Mizo tana feh chhuak a nih thu Vanglaini a hrilh bawk.
India Squad
Goalkeepers: Savita, Rajani Etimarpu.
Defenders: Salima Tete, Sunita Lakra, Deep Grace Ekka, Karishma Yadav, Gurjit Kaur, Sushila Chanu Pukhrambam.
Midfielders: Monika, Navjot Kaur, Nikki Pradhan, Neha Goyal, Lilima Minz.
Forwards: Rani (captain), Vandana Katariya, Lalremsiami, Jyoti, Navneet Kaur.
Goalkeepers: Savita, Rajani Etimarpu.
Defenders: Salima Tete, Sunita Lakra, Deep Grace Ekka, Karishma Yadav, Gurjit Kaur, Sushila Chanu Pukhrambam.
Midfielders: Monika, Navjot Kaur, Nikki Pradhan, Neha Goyal, Lilima Minz.
Forwards: Rani (captain), Vandana Katariya, Lalremsiami, Jyoti, Navneet Kaur.