Chhinga Veng hmaah Hunthar
Suzuki Gixxer Pro Volleyball League semifinal hnuhnung zawk chu zanin dar 8:00 hian Chawnpui Sports Center-ah khelh a ni dawn a, champion lai Hunthar leh Chhinga Veng Spikers an inhmachhawn ang.
Tualchhung volleyball inelna sang berah Hunthar hian rinkai nichungin bul ṭan mah se beisei an phak lo, league match hnuhnungah Tuichangral an hneh zarah semifinal an inhlangkai chauh. Chhinga Veng erawhin an match hmasa pangaah hnehna an chang vek a, a thiam pali zingah an tel dawn tih a chian hnuin Durtlang North an ngam lo tih mai loh chu an khel ṭha hle.
League round-ah team pahnih an inhmachhawn ṭumin Spikers hian 3-2 in hnehna an chang, set hnih an hloh avangin an chak danah erawh inchhuanna tur an nei bik lo. Hunthar hian hneh let an tum a nih chuan an intawn hmasaka point 31 ngawt neitu Mandeep Singh an ven ṭhat a ṭul ang.
India senior team tana khel tawh Mandeep elpui turin Hunthar lamin Deepesh Kumar Sinha an nei ve tho a, ani hian Spikers lakah point 20 a vaw chhuak thei - Sinha thlawp turin Ramengmawia leh Lalremsanga an la neih bawk avangin final beiseina an nei ngam.
Senior team lamah Thutak Nunpuitu Team lamin hneh nei loin league an mangṭha a, an junior team erawhin semifinal an inhlangkai. Zanin dar 6:00 hian TNT leh Chhinga Veng Spikers ten junior semifinal hnuhnung zawk an khel ve dawn bawk a ni.
Senior team lamah Thutak Nunpuitu Team lamin hneh nei loin league an mangṭha a, an junior team erawhin semifinal an inhlangkai. Zanin dar 6:00 hian TNT leh Chhinga Veng Spikers ten junior semifinal hnuhnung zawk an khel ve dawn bawk a ni.