UCL khel lo thei dinhmunah Manchester City an ding
UEFA hnuaia chhuichiangtute chuan Manchester City-in financial rules an bawhchhia a nih chuan Champions League khel lo turin hrem an duh.
Amaherawhchu thutlukna tawp siam a la ni lo a, chief investigator Yves Leterme chuan tunkar chho hian thutlukna a siam dawn. Belgian prime minister hlui Yves Leterme hote hian UEFA hnenah rawtna an thehlut ang. Tun hnaia an meeting aṭanga a lan dan chuan Yves Leterme thawhpuite chuan Man City hi thiam loh an chang a nih chuan season khat chhung Champions League khel thei lo tura hrem an duh.
Man City - eng pawi nge an khawih?
Nikum khan German chanchinbu Der Spiegel chuan Man City dan bawhchhiat dan an ziak chiam a, Leterme leh a hote hian a dik ngei em tih finfiah tumin hma an la.
Nikum khan German chanchinbu Der Spiegel chuan Man City dan bawhchhiat dan an ziak chiam a, Leterme leh a hote hian a dik ngei em tih finfiah tumin hma an la.
Der Spiegel-in a tarlan dan chuan Financial Fair Play dan pal zut turin an sponsorship liantham hmuh chu dan hnuaia an fihlim theih nan an ziak danglam. English club hian tun hmain dan an bawhchhe tawh a, kum 2014 khan pound maktaduai 49 chawitir an ni.
Premier League club hian puh an nihna hi an pha a, thil chhui lai mek a nih avangin UEFA lamin ngawih an chuh thung. New York Times-in a tarlan dan chuan chhuichiangtute hian City hi hrem ngei an duh, niin an ziak.
Premier League club hian puh an nihna hi an pha a, thil chhui lai mek a nih avangin UEFA lamin ngawih an chuh thung. New York Times-in a tarlan dan chuan chhuichiangtute hian City hi hrem ngei an duh, niin an ziak.
Engtin zel?
Leterme leh a hote rawtna hi Club Financial Control Body hnuaia UEFA adjudicatory chamber ten an ngaihtuah dawn a, darkar 48 chhung chuan thutlukna an siam a rinawm.
Leterme leh a hote rawtna hi Club Financial Control Body hnuaia UEFA adjudicatory chamber ten an ngaihtuah dawn a, darkar 48 chhung chuan thutlukna an siam a rinawm.
Man City hi hrem dawn ta pawh ni se season thar atan a nih a rinawm loh. A chhan chu English club hi insawifiahna hun pek a ṭul dawn a, hemi hnu hian infiamnaa thuneitu sang ber Court of Arbitration for Sport (CAS) hnenah an la zualko theih avangin hremna lekkawh turin hun a duh dawn.
FFP dan chu
UEFA chuan club hmalam hun ven pui nan Financial Fair Play dan a duang. He dan hnuaiah hi chuan club-in an sum lakluh aia tam uchuakin sum an hmang thiang lo.
UEFA chuan club hmalam hun ven pui nan Financial Fair Play dan a duang. He dan hnuaiah hi chuan club-in an sum lakluh aia tam uchuakin sum an hmang thiang lo.
Club sum hmanna tih hian player lakna leh an hlawh a kawk ber a, an sum lakluhna hi chu ticket, tv rights leh club kaihhnawih bungrua an zawrhna aṭanga an lakluhte a ni thung. Chutihrualin club sum hmanah hian stadium, training facilities, youth development leh khawtlang tana an thil ṭha tih te chhiar a ni lo.
UEFA chuan hemi chungchang buaipui tur hian Club Financial Control Body (CFCB) a din a, anni hi hremna lekkawhtu an ni. An thil tihsual ang zelin an hrem thei a, chungte chu UEFA hnuaia inelnaa tel phalsak loh, vau khanna pek, point paih, player lak phal sak loh leh UEFA inelna hnuaia an player ziahluh theih zat ziah tlem te a ni.
Hrem an nei tawh em?
Kum 2014 khan Paris St-Germain chuan tun ṭuma Man City buaina ang hi tawkin hrem an ni tawh.
Kum 2014 khan Paris St-Germain chuan tun ṭuma Man City buaina ang hi tawkin hrem an ni tawh.
PSG hian Qatar Tourism Authority aṭanga an sponsor hmuh hun chu hremna pumpelh nan an ziak hma a, hetia an tih avang hian an player an lakna avanga an sum hloh chu nuai boin a awm. FFP danah chuan kum hnih chhunga an sum hlohin pound maktaduai 37 a pel thiang lo. French club hi FFP dik lo taka palzut an tumna avang hian UCL khel turin player 21 chiah ziahluh an phalsak a, sum hman tur zat an bituk sak bawk.
PSG-in 2017-18 season-a pound maktaduai 200-a Neymar an lakluh te khan UEFA chuan a chhui zui reng a, Monaco aṭanga Kylian Mbappe pawh kha la nghet nghal thei loin loan hmangin an la phawt. French forward pawh hi pound maktaduai 165.7 man zet a ni.