AFC Cup - Indian club inlan hun

Asia khawmualpuia club inelna sang ber dawttu AFC Cup-ah vawiin hian Indian club pahnih Minerva Punjab FC leh Chennaiyin FC an inlan dawn. 

Samuel Lalmuanpuia khelhna Minerva hian Nepali club ṭha Manang Marshyangdi Club chu chawhnu dar 2:45 hian an mikhual dawn a, knockout round luh an beisei chuan chak ngei a ngai tawh. 

Punjab club hian an match hmasa pathum­ah an khingpui an inhneh­tawkpui vek a, an awmna group E aṭangin team pakhat chauh an tlang dawn bawk si avangin an dinhmun a him lo hle. 

Jeje Lalpekhlua, Zo­hming­liana Ralte, Jerry Lalrinzuala, Isaac Van­malsawma, Lal­din­liana Renthlei leh B. Ro­hming­thanga te khelhna Chennaiyin hian zanin dar 6:30-ah Abahani Dhaka an hmachhawn dawn thung. 

Bangladesh club ṭha Abahani-ah hian Aizawl FC defender hlui Masih Saighani a khel mek.