Karate Team zin chhuak

19th WTSKF Inter­national Invitation Karate Championship khel tur Mizoram Karate Team chuan nimin khan inelna tur hmun Goa panin Aizawl an chhuahsan.

Mizoram team-ah hian player 24 bakah official pahnih an awm, inelna hi May 19-23 chhunga neih tur a ni ang. Tournament an hmachhawn hmain Mizo player ten inbuatsaihna an nei ngawrh a, sensei C. Hmingthangvunga kaihhruaina hnuaiah kar thum chhung chu nitin training an nei.

Team manager Lal­ramthara chuan Mizo player-ten medal an lak ngei a beisei thu Vanglaini a hrilh a, All Mizoram Karate Association presi­dent shihan C. Dosavunga pawhin feh chhuak zawng zawngte chu ram leh hnam tan theihtawp chhuah turin a fuih bawk.