Chhinga Vengin I League beiseina chhi nung Dawngtea goal hmangin Ozone FC an hneh
2nd Division I League final round-ah Chhinga Veng chuan nimin khan Ozone FC 1-0 in an hneh a, I League khelh beiseina an nei zel.
RG Stadium-a inkhelah Mizo club tan MS Dawngliana'n minute 48-naah penalty aṭangin chakna goal a khung. Lalsangzuala Hmar hote hian match li khelhah point sarih an hmu chiah a, match hnih khelh hmabak la awmah Trau FC an phak lohna chu point nga a la ni.
Chanchin lawmawm
Chhinga Vengin an foreign player neih chhun Godwin Quashiga leh Ginkholen Haokip te hliam vangin an chhawr thei lo a, defender pawimawh PC Laldinpuia hrem vangin an hmang thei lo bawk.
Chhinga Vengin an foreign player neih chhun Godwin Quashiga leh Ginkholen Haokip te hliam vangin an chhawr thei lo a, defender pawimawh PC Laldinpuia hrem vangin an hmang thei lo bawk.
Amaherawhchu hliam vanga training zawm thei lo MS Dawngliana leh Lalmuanzova te an dam hman. Chak mamawh Mizo club tan attacking player pahnih chhawr theiha an awm hi thu lawmawm a ni a, Dawngtea hian bul ṭanin Muanzova hi bench-ah dah a ni thung.
Goal khat a hlu
Mualpui boruak a lum avangin team pahnihin nung taka khelh an harsat a, goal chance ṭha hmuh tur a awm lo.
Mualpui boruak a lum avangin team pahnihin nung taka khelh an harsat a, goal chance ṭha hmuh tur a awm lo.
Second half ṭantirah winger tlan chak Vanlalbiaa Chhangte chuan ball ṭha zawngin box chhungah a tlanlut a, Ozone defender-in Hriangtlang tlangval hi titluin penalty a hlawh chhuak. Tawnhriat nei ṭha Dawngtea rawn pen chhuakin keeper Dharminder Guru bumin goal paiwmawh a khung.
Mizo club-in goal an neih hnuah goal venhim an ngaipawimawh a, mikhual team-in ball an chang tam zawk. Bengaluru-a an inkhelh ṭum ang chiahin keeper Zothanmawia chu chhandamtu a ni a, College Veng tlangval hian hnai tak aṭanga C. S. Sabeeth ball tauh chu ṭum hnih a dang - a hmasa zawk chu keeper ṭha bik tan chauha dan theih a ni.
Hmabak chu
Coach Lalsangzuala Hmar hote tan pakhatna ni turin match hmabakah chak ve ve a ngai a, Lonestar Kashmir FC leh Trau FC te an hmachhawn dawn. Tun Inrinni hian Mizo club hian Lonestar Kashmir FC an mikhual dawn a, goal difference a la pawimawh theih avangin goal khung tam a pawimawh dawn a, inkhel dang result-ah an la innghat bawk.
Coach Lalsangzuala Hmar hote tan pakhatna ni turin match hmabakah chak ve ve a ngai a, Lonestar Kashmir FC leh Trau FC te an hmachhawn dawn. Tun Inrinni hian Mizo club hian Lonestar Kashmir FC an mikhual dawn a, goal difference a la pawimawh theih avangin goal khung tam a pawimawh dawn a, inkhel dang result-ah an la innghat bawk.
Chhinga Veng hneh lotu Ozone FC tan I League beiseina a tawp thung. Mizo club tan erawh Bengaluru club hi an pawimawh chhunzawm zel. Ozone FC hian tun Pathianni hian Trau FC an tlawh dawn a, point an hlawh chhuak lo a nih chuan I League khel tura Chhinga Veng beiseina a tawp ang.