Fury leh Whyte inhmachhawn hreh lo

World Boxing Council (WBC)-in Tyson Fury leh Dillian Whyte-te chu WBC champion Deon­tay Wilder hmachhawn thei tur zawng tura inhmachhawn tura a tih hnuin fighter pahnih hian in­hma­chhawn an hreh loh thu an sawi. 

Kum 30 mi Fury chuan insta­gram lamah WBC thutlukna hi a pawm thu sawiin, "He chona hi ka pawm a, Dillian Whyte hma­chhawn tur hian engtiklai pawhin ka inpeih a ni," a ti. Whyte a zam duh bik lo. Kum 31 mi boxer hian twitter lamah Fury hi chhangletin, "I duh phawt chuan ti ang hmiang. Khawi hmunah pawh, eng hunah pawh ka inpeih e," tiin an incho dun hle. 

Fury hian June 15-ah inhnek a hmachhawn dawn a, Las Vegas khawpuiah American boxer Tom Schwarz nen an intawng dawn. December khan Wilder hi a lo hmachhawn tawh a, mi tam takin chak zawkah ngai mah se an inhnehtawk. Boxer pahnih hi rematch nei tura ngaih ni mah se inbiak­na a tlawlh zui a, Wilder hian Inrinniah American boxer Dominic Brea­zeale a hmachhawn ang.