Stimac-a'n a vawi khat nan Engmawia a ko

India coach Igor Stimac chuan FIFA World Cup 2022 qualifier khel turin India squad atan player 43 a ko chhin a, koh zingah NorthEast United midfielder Lalengmawi a tel. 

Blue Tigers hian March 26-ah Asian champion Qatar an mikhual dawn a, March 31-ah Tajikistan nen friendly match an khel leh bawk ang. Qatar nena an inkhelhna tur hmun hi Kalinga Stadium, Bhubaneswar a ni a, Tajikistan nena an inkhelhna tur erawh tihchian a la ni lo. 

ISL khelh zawh a la nih loh avangin player 23-in March 9-ah India camp an zawm phawt ang a, March 16-ah player 20 dang hian an zawm ve leh dawn a ni. 

March 9-a camp zawm tur zingah Engmawia bakah Jerry Mawihmingthanga leh Jeje Lalpekhlua chu player tel an ni a, Jeje hi Sandesh Jhingan nen tun season-ah hliam vangin inlan lo mah se Stimac-a'n a ko tho. 

Vanglaini hriat danin Jeje leh Jhingan hi player naupang zawkte pui a, fitness test nei tura koh an ni a, an inhliam avangin squad-ah an tel chhunzawm lo ang. 

March 16-a camp zawm tur zingah Lallianzuala Chhangte chu Mizo player awmchhun a ni a, India squad pumpuiah Mizo player pali an awm tihna a ni. 

Goalkeepers: Amrinder Singh, Subhasish Roy, Rafique Ali

Defenders: Pratik Chaudhari, Shubham Sarangi, Subhasish Bose, Narender, Adil Khan, Sandesh Jhingan

Midfielders: Rowllin Borges, Amarjit Singh, Jeakson Singh, Nandhakumar Sekar, Lalengmawia, Vinit Rai, Raynier Fernandes, Nikhil Poojary, Jerry Mawihmingthanga, Halicharan Narzary, Sahal Abdul Samad

Forwards: Farukh Choudhary, Jeje Lalpekhlua, Liston Colaco 

Goalkeepers: Gurpreet Singh Sandhu, Vishal Kaith, Prabhsukhan Singh Gill

Defenders: Prabir Das, Rahul Bheke, Pritam Kotal, Nishu Kumar, Sumit Rathi, Seriton Fernandes, Mandar Rao Dessai

Midfielders: Edwin Sydney Vanspaul, Brandon Fernandes, Anirudh Thapa, Udanta Singh, Ashique Kuruniyan, Lallianzuala Chhangte, Jackichand Singh

Forwards: Sunil Chhetri, Manvir Singh, Michael Soosairaj