Chelsea - Hremna an hlip a nih chuan...
Chelsea hmalam hun chu transfer hremna an hlih leh hlih loah a innghat. Blues hi tun dinhmunah chuan January 2020 thleng player lalut thei lo tura hrem an ni a, FIFA-in an zualkona an hnawlsak tawh a, Court of Arbitration for Sport (CAS) thutluknaah an hmalam hun a innghat.
CAS hian July thlaah thutlukna an siam dawn chauh avangin transfer hunah hian eng emaw chen chu an kut phuarin a awm dawn hrim hrim. An thiampuipa Eden Hazard chu nipui transfer-ah chhuak ngei tura ngaih a ni a, chutihrualin hrem an nih chuan London club hian anmahnia contract nei lai Belgian forward hi an chelh a rinawm zawk.
Hremna an lekkawh a nih chuan Chelsea tan Olivier Giroud leh loan-a an hawh mek Gonzalo Higuain te contract pawhsei chu tih theih hmasa a ni a, loan hmanga an chhuahtir Michy Batshuayi leh Tammy Abraham te an ko let thei bawk. Hremna an hlip a nih erawh chuan Hazard chu chhuak ngei tura ngaih a ni a, Blues-in sum hman tur an ngah sawt ang. Barcelona-a tla tlum lo Philippe Coutinho chu London club-in an um zui ngei a rinawm a, Brazilian midfielder agent Kia Joorabchian hian tun hmain Chelsea tan thil ṭha tam tak a tih tawh avangin Reds kawr mawipui tawhtu hi Blues kawr ha tura sengluh a harsa lo ang.
Chelsea-in hrem an nih hmain Borussia Dortmund midfielder Christian Pulisic an lalut tawh a, hremna an tawk ta a nih pawhin Blues supporter hnual lutuk tur a veng ang. An inla belh thei a nih chuan tlarhma lakbelh hi an tih makmawh a nih hmel a, Edinson Cavani leh Marco Asensio te chu hming langsar an ni.
Uruguayan forward Cavani hi PSG-ah a aia manto zawk Neymar nen buaina an neih avangin French champion-in chhuahtir an hreh a rinawm lo a, Asensio pawh Real Madrid-in Hazard an lakluh theihna tur a nih chuan lawm takin London club lama kaltir an phal ang.
Chelsea nena sawi zawm zingah Crystal Palace forward Wilfried Zaha pawh a tel a, Ivory Coast international hian club lian zawka khelh duhin chhuah a dil. Kum 26 mi hian Champions League khelh a duh avangin a hlawhchham tawhna Manchester United lamah chuan a kir hmel lo a, Palace-in a man atana uchuak tana sum an chhiar a nih loh chuan Blues mamawh tur tak a ni ang.
Chelsea nena sawi zawm zingah Crystal Palace forward Wilfried Zaha pawh a tel a, Ivory Coast international hian club lian zawka khelh duhin chhuah a dil. Kum 26 mi hian Champions League khelh a duh avangin a hlawhchham tawhna Manchester United lamah chuan a kir hmel lo a, Palace-in a man atana uchuak tana sum an chhiar a nih loh chuan Blues mamawh tur tak a ni ang.