Coach thar Stimac hnuaiah Jeje hming a lang lo
India coach thar Igor Stimac chuan June 5-a King's Cup khel tur atan player 37 koh chhin hming a puang a, player koh zingah Mizo tlangval Jeje Lalpekhlua hming a tel lo.
Croatia coach hlui Stimac-a'n Jeje a koh loh chhan erawh Mizo Sniper a ngainat loh vang a ni lo a, Hnahthial tlangval hi a khup hliam vangin Thailand-a inelnaah hian a inlan thei dawn lo a ni. Blue Tigers tana inlan thei tura koh zingah Mizo pakhat chiah a awm a, Lallianzuala Chhangte chu Croatian coach hian koh chhin zingah a telh.
India squad-a koh player 37 hian May 20 aṭangin New Delhi-ah camp an nei ṭan dawn a, heta ṭang hian Thailand-a inelna hmachhawn tur tak tak koh an ni leh ang.
Mizo Sniper tel loin
'The Mizo Sniper' tia hminglem an pek Jeje hi a khup hliam vangin a buai reng a, nizana Chennaiyin-in AFC Cup an khelhah pawh a inlan thei lo.
'The Mizo Sniper' tia hminglem an pek Jeje hi a khup hliam vangin a buai reng a, nizana Chennaiyin-in AFC Cup an khelhah pawh a inlan thei lo.
Season hmasa ISL-ah pawh khan Jeje hi a khup vanga buai reng chungin a inlan a, season dang angin beisei a phak loh phah hial - match 16-a inlanah goal khat chiah a khung! Hei vang hian Jeje-a'n hun remchang lain a khup a zai dawn a, tibuaitu nei reng chunga King's Cup khelh ai chuan in enkawl a, dam taka lo kir leh a duh zawk.
Mizo tlangval hi ram tan match 56 khela goal 23 khung thei a ni a, Sunil Chhetri tih lohah chuan Blue Tigers tana inlan mek zinga goal khung hnem ber a nih avangin a tel lo tur hi channa a ni ang.
Asian Cup nghawng
India coach Stimac chuan a squad thlan dan chu AFC Asian Cup-a India aiawha thlante aṭanga a siam rem thu a sawi. West Ham defender hlui chuan, "AFC Asian Cup UAE 2019-a India aiawh squad kha ka zah avangin khami mil khan player ka ko phawt a ni.
India coach Stimac chuan a squad thlan dan chu AFC Asian Cup-a India aiawha thlante aṭanga a siam rem thu a sawi. West Ham defender hlui chuan, "AFC Asian Cup UAE 2019-a India aiawh squad kha ka zah avangin khami mil khan player ka ko phawt a ni.
"Player dang zawng hi I League leh Indian Super League ka en aṭanga ka thlan a ni a, an khelh danin min hmin em avanga ka koh an ni hlawm," a ti. Squad-a tel zingah Lallianzuala Chhangte chu Asian Cup-a India aiawh phak lo a ni a, Stimac thusawi aṭanga a lan dan chuan ISL lama Lunglei tlangval khelh danin Croatian coach hi a hmin.
Lianzuala hian season hman zawh takah khan league match 18 khelin goal nga a khung a, assist vawi khat a nei bawk. Lianzuala hian, "Stimac hnuaia khelh ka chak a ni," tiin a lo sawi tawh a, tunah chuan Croatian coach hminna remchang a nei dawn ta.
Chona thar
Kum hnih chhung atana India coach ni tura contract ziak Igor Stimac chuan, "New Delhi thlen a, ka hna thar thawh vat ka chak takzet. Chona thar hmachhawn hi nuam ka ti a, Blue Tigers enkawl hi ka phur tawh takzet a ni," a ti.
Kum hnih chhung atana India coach ni tura contract ziak Igor Stimac chuan, "New Delhi thlen a, ka hna thar thawh vat ka chak takzet. Chona thar hmachhawn hi nuam ka ti a, Blue Tigers enkawl hi ka phur tawh takzet a ni," a ti.
Croatian coach chuan, "Player zawng zawng te ka lawmpui a, duhsakna sang ber ka hlan a ni," tiin a player thlante chu final squad-a tel ngei tum turin a fuih zui. Stephen Constantine hnuaia hmun chang ngai lo Jobby Justin pawh koh zingah a tel ta a, season hmasaa I League-a goal kua khungtu hian ATK a zawm tawh - India tana koh a nih vawi khatna a ni.
Indian player sawi hlawh ber zinga mi Michael Soosairaj pawh squad-ah telh a ni a, Halicharan Narzary (khup hliam), Mandar Rao Desai (malpui) leh Ashique Kuruniyan (khup) te erawh hliam vangin koh an ni lo.
India Squad:
Goalkeepers: Gurpreet Singh Sandhu, Vishal Kaith, Amrinder Singh, Kamaljit Singh
Defenders: Pritam Kotal, Nishu Kumar, Rahul Bheke, Salam Ranjan Singh, Sandesh Jhingan, Adil Khan, Anwar Ali (Jr), Subhasish Bose, Narayan Das.
Midfielders: Udanta Singh, Jackichand Singh, Brandon Fernandes, Anirudh Thapa, Raynier Fernandes, Bikramjit Singh, Dhanpal Ganesh, Pronay Halder, Rowllin Borges, Germanpreet Singh, Vinit Rai, Sahal Abdul, Amarjit Singh, Redeem Tlang, Lallianzuala Chhangte, Nandha Kumar, Komal Thatal, Michael Soosairaj.
Forwards: Balwant Singh, Sunil Chhetri, Jobby Justin, Sumeet Passi, Farukh Choudhary, Manvir Singh.
Goalkeepers: Gurpreet Singh Sandhu, Vishal Kaith, Amrinder Singh, Kamaljit Singh
Defenders: Pritam Kotal, Nishu Kumar, Rahul Bheke, Salam Ranjan Singh, Sandesh Jhingan, Adil Khan, Anwar Ali (Jr), Subhasish Bose, Narayan Das.
Midfielders: Udanta Singh, Jackichand Singh, Brandon Fernandes, Anirudh Thapa, Raynier Fernandes, Bikramjit Singh, Dhanpal Ganesh, Pronay Halder, Rowllin Borges, Germanpreet Singh, Vinit Rai, Sahal Abdul, Amarjit Singh, Redeem Tlang, Lallianzuala Chhangte, Nandha Kumar, Komal Thatal, Michael Soosairaj.
Forwards: Balwant Singh, Sunil Chhetri, Jobby Justin, Sumeet Passi, Farukh Choudhary, Manvir Singh.