Coppa Italia champion Lazio
Lazio chuan Nilaini zan kha Milinkovic-Savic leh forward Joaquin Correa te goal hmanga Atalanta 2-0 a hnehin Coppa Italia nomawi an chawi a, he inelnaah hian vawi sarih an champion-na chiah a ni.
An chak loh danah Atalanta manager Gian Piero Gasperini a lawm lo hle, penalty an hmuh ngei tura ngaih pek an nih loh avangin tham rukna awm hiala a hriat thu a sawi.
Champion Lazio
Stadio Olimpico-a inkhelah team pahnih an inbei tawk a, goal hmasa ber hmu tur pawhin minute 82 nghah thlen a ngai. Bench aṭanga rawn lut Savic-a'n goal hmahruai a tauh lut a, hun tawp hma chiahin Correa chuan an chak nemnghehna a khung bawk.
Stadio Olimpico-a inkhelah team pahnih an inbei tawk a, goal hmasa ber hmu tur pawhin minute 82 nghah thlen a ngai. Bench aṭanga rawn lut Savic-a'n goal hmahruai a tauh lut a, hun tawp hma chiahin Correa chuan an chak nemnghehna a khung bawk.
Lazio hian season thara Europa League an khelh theih phah dawn a, Coppa Italia-ah hian 2013 hnua an champion lehna hmasa ber a ni - beisei anga season hmang ṭha tawk lo Simone Inzaghi naute tan hun hnuhnung lam kharna ṭha tak a ni.
Lazio President Claudio Lotito chuan, "Simone Inzaghi hi kan tan chuan fapa duhawm tak a ni, tuna Serie A table-a kan awmna hian kan dinhmun a sawifiah lo. Coppa Italia champion kan nihna hi kan theihna tak ti chiangtu zawk a ni," a ti. Lazio hi league table-ah pariatna an ni mek.
Thamna?
Kum 1963 hnua a vawi khat nan Atalanta-in an nomawi hmasa ber chawi an tum a, final kalkawngah champion lai Juventus pet chhuak thei mah se inkhel pawimawh zawkah team nem zawk tura ngaih Lazio an ngam loh avangin an beiseina a thamral.
Kum 1963 hnua a vawi khat nan Atalanta-in an nomawi hmasa ber chawi an tum a, final kalkawngah champion lai Juventus pet chhuak thei mah se inkhel pawimawh zawkah team nem zawk tura ngaih Lazio an ngam loh avangin an beiseina a thamral.
Goal lut loa an inhnehtawk laiin Atalanta midfielder Marten de Roon-a goal shot chu penalty area chhunga awm Lazio defender Bastos chuan a kutin a lo dang ngei niin a lang a, mahse video assistant referee (VAR) hman a ni lo. Atalanta manager Gian Piero Gasperini chuan, "Hetiang huna hman atan hian a ni lawmni VAR hi kan neih. Mahse, tunah a pawimawh hunah tak kan hmang leh si lo, thamna a ni thei em! A nihna tak min hrilh rawh u," tiin a lungawi lo takzet.
Serie A table-a palina nilai Atalanta hian nomawi chawi lo mah se ṭha taka season kharna remchang erawh an la nei tho - an league match khelh hmabak pahnihah Juventus leh Sassuolo te an hneh thei a nih chuan season tharah Champions League an khel dawn.