Ajax-in nomawi an chawi ta
Nilaini zan khan Eredivisie match hnuhnung ber khelh a ni a, Ajax chuan De Graafschap 4-1 a sawpin nomawi an chawi. Erik ten Hag hote hian May 5 khan KNVB Cup final-ah Willem II 4-0 a hnehin an champion tawh bawk.
Goal li
De Vijverberg-ah Ajax-in Lasse Schone freekick mawi tak hmangin minute 37-naah hma an hruai a, minute thum hnuah mualneituin Youssef El Jebli hmangin an sut.
De Vijverberg-ah Ajax-in Lasse Schone freekick mawi tak hmangin minute 37-naah hma an hruai a, minute thum hnuah mualneituin Youssef El Jebli hmangin an sut.
Ajax tan champion nem-nghet turin draw a tawk a, minute 44-naah Nicolas Tagliafico-a'n Hakim Ziyech thawhrah sengin goal hnihna a khung lehnghal a, an champion dawn tih a chiang. Second half-ah Dusan Tadic-a'n Ajax tan goal hnih a khung belh a, 4-1 in hnehna an chang.
Inkhel dangah pahnihna PSV Eindhoven-in an mualah Heracles 3-1 in an hneh a, amaherawhchu hemi hmaa AZ Alkmaar an hneh loh avangin nomawi an chan. Ajax hian point 86 an hmu a, PSV-in point thum chauhin an pha lo.
Vawi 34-na
Ajax tan tun ṭuma an champion hi Dutch League-a vawi 34 an champion-na a ni a, kum 2014 hnua an champion lehna hmasa ber a ni.
Ajax tan tun ṭuma an champion hi Dutch League-a vawi 34 an champion-na a ni a, kum 2014 hnua an champion lehna hmasa ber a ni.
Erik ten Hag hoten season ṭha tak an hmang a, Dutch Cup-ah pawh kum 2010 hnua a vawi khat nan an champion. Champions League-ah erawh an vanduai a, semifinal-ah Tottenham Hotspur an hneh lo.
Club lian awh rawn
Ajax-in season ṭha bik an hman avangin an player-te hi club lian zawk enthlak an ni a, midfielder De Jong chu January thla khan Barcelona nen pound maktaduai 65-in inremna an siam tawh.
Ajax-in season ṭha bik an hman avangin an player-te hi club lian zawk enthlak an ni a, midfielder De Jong chu January thla khan Barcelona nen pound maktaduai 65-in inremna an siam tawh.
Rawlthar duhawm zingah defender Matthijs de Ligt chu chhuak ngei tura ngaih a ni. Ajax captain chuan, "Nomawi kan chawi chiah a, Frenkie de Jong ka zui dawn em tih sawina hun a ni lo. Nipui chawlh chhungin uluk takin ka ngaihtuah ang a, chumi zawh chuan thutlukna ka siam ang," tiin a hmalam hun a sawi chiang duh lo a, kum 19 mi hi Catalan club pan tura ngaih ni mah se UCL-a Barcelona hnehtu Liverpool nen pawh sawi zawm a ni tho.
Nouri tan
Kum 2017 khan Ajax midfielder Abdelhak Nouri chu Austria-a Werder Bremen nen pre-season friendly an khelh ṭumin lung phu dik lo vangin a tlu. Talent nei ṭha tak 'Appie' tiha an koh Nouri hi khelmuala a chetsualna avang hian thluakah harsatna a tawk a, kum 20 mi lek nichungin inkhelh a chawlhsan.
Kum 2017 khan Ajax midfielder Abdelhak Nouri chu Austria-a Werder Bremen nen pre-season friendly an khelh ṭumin lung phu dik lo vangin a tlu. Talent nei ṭha tak 'Appie' tiha an koh Nouri hi khelmuala a chetsualna avang hian thluakah harsatna a tawk a, kum 20 mi lek nichungin inkhelh a chawlhsan.
Ajax manager Erik ten Hag chuan, "Nouri chunga thil thleng kha pawi kan ti takzet a, an tawrhna avangin hrehawm kan ti a, tuna kan champion hi atan kan hlan," tiin a sawi.
Nouri hian jersey no. 34 a ha ṭhin a, he number a thlan chhan hi Ajax hi a vawi 34 nan champion se a tih vang niin an sawi. Dutch winger hian a hriselna ṭhat loh vangin champion pui ta lo mah se Ajax-in an player hlui hi hre rengin champion zan hian an kawr banah Nouri thlalak an dah a ni.