Pro Volleyball champion Chhinga Veng Spikers
Chhinga Veng Spikers chuan Durtlang North hnehin Suzuki Gixxer Pro Volleyball League 2019 nomawi an chawi a, tualchhung volleyball inelna sang leh lian berah hian a vawi khat nan an champion.
Ningani zan Chawnpui Sports Centre-a inkhel hmuhnawm leh inhnehtawk takah Chhinga Veng Spikers hian 25-23, 18-25, 22-25, 31-28, 15-13 (3-2) in hnehna an chang a, point 55 ngawt hlap chhuaktu Mandeep Singh chu RS Traders Player of the Night a ni a, ani hi boruak sang tak kara an chakna point hlap chhuaktu a ni bawk.
Beiseina
Team pahnih hi league round-a an intawn ṭumin Durtlang North hian 4-1 in hnehna an chang tawh a, chak lo zawk Chhinga Veng Spikers erawh semifinal lut chiang sa an nih avangin nidanga thapui an thawh angin an ṭang na tawk lo.
Team pahnih hi league round-a an intawn ṭumin Durtlang North hian 4-1 in hnehna an chang tawh a, chak lo zawk Chhinga Veng Spikers erawh semifinal lut chiang sa an nih avangin nidanga thapui an thawh angin an ṭang na tawk lo.
Final-ah an intawng leh a, Chhinga Veng lamin an service hmasa berah foul vangin point hloh nghal mah se an buai chhunzawm lo a, 11-11 a nih hnuah a zawnin point nga an hmuh theih avangin an dinhmun an siamṭha - set point an hmuh hnuah Mandeep-a hlap dan sak mah se a per chu hlap nawn sakin set an la.
Set hnihna aṭangin Durtlang North an insiamṭha, 7-1 in hma an hruai fal nghal. Mizo Best Player atana thlan Lalbiakmuana'n ball a vuak tlak theih bakah hmun awl a hmufuh thei a, boruak sangah Rahul Kataria-a'n cool taka point a hmuh theih bawk avangin set la turin harsatna a awm lo.
Durtlang-in an coach Eric Lalsangliana Pautu hoin beiseina an nei sang zui a, set thumna an khelh laiin kal fal thei awm lo mah se Durtlang North lamin hma an hruai ngun zawk. 20-20 thlenga an inhnehtawk hnuah Spikers lamin tihsual an ngah a, India senior team tana khel tawh Mandeep hlap out vangin set an la.
Thawhlehna
Best of five set khelh turah Durtlang North lamin 2-1 in hma an hruai a, nomawi chawi turin set khat bak a ngai tawh lo. Zomuanpuia leh Vanlalṭanpuia (ṬP-a) ten ball an vuak tlak theih bakah Mandeep vuak an dan sak fo thei a, 15-21 in hma an hruai - champion tura an mamawh zat chu point li chiah a ni!
Best of five set khelh turah Durtlang North lamin 2-1 in hma an hruai a, nomawi chawi turin set khat bak a ngai tawh lo. Zomuanpuia leh Vanlalṭanpuia (ṬP-a) ten ball an vuak tlak theih bakah Mandeep vuak an dan sak fo thei a, 15-21 in hma an hruai - champion tura an mamawh zat chu point li chiah a ni!
'Lalpan thil ropui min tih sak e' tiin Durtlang North ṭantu lam an zairual a, champion an lawm ṭan tawh. Mahse, Chhinga Veng an beidawng lo, point li hmu zawnin beiseina an siam thar. Hma sawn zelin 21-22-in an nihpui, ṬP-a'n Mandeep vuak dan sak lehin 21-23 in Durtlang North lam an sang leh, an kut lehlamin nomawi an khawih ta.
Amaherawhchu, Spikers lam an chesual duh bik lo, an nihrual leh zel. 29-29 a nih hnuah Hmangaiha leh Mandeep ten chiang taka hlap tlain set pawimawh ber an la a, an beiseina thi ṭep tawh an chhem nung - champion hre turin set ngana khelh zui a ngai.
Deciding set-ah India senior team player Mandeep-a'n rawn hlap tla nghal pawpin Chhinga Veng boruak a ṭha, kal fal awm lo mah se Spikers hian point khat lek lekin hma an hruai a, Lallianmawia Pachuau, F. Lalngilneia leh Lalnunpuia te talbuai loa an khelh theih avangin harsa lutuk loin champion-na set an la.
Coach a lawm
PVL-ah hian Anastasia Electric Veng chu champion hmasa ber (2016) an ni a, a hnuah Vanlalmawia enkawl Hunthar chu a zawnin vawi hnih an champion - Eric Lalsangliana Pautu (Anastasia) leh Vanlalmawia te hnungzuiin Jesse Lalpianpuia chu PVL champion thei coach pathumna a ni.
PVL-ah hian Anastasia Electric Veng chu champion hmasa ber (2016) an ni a, a hnuah Vanlalmawia enkawl Hunthar chu a zawnin vawi hnih an champion - Eric Lalsangliana Pautu (Anastasia) leh Vanlalmawia te hnungzuiin Jesse Lalpianpuia chu PVL champion thei coach pathumna a ni.
Chhinga Veng coach Jesse chuan, "Kan dinhmun kha a chhe hman hle a, mahse tho chhuak leh tura beiseina kan neih tlat avangin a tawpah chuan hlawhtlinna kan chang. Fans lamin min pui ṭha em em a, nomawi kan chawi theihna chhan pawimawh an ni," tiin Vanglaini a hrilh.
Vanglaini zawhna chhangin Durtlang North coach Eric Lalsangliana Pautu chuan, "Mizo player kan neih ten an khel ṭha a, state pawn player nei mah ila tualchhung player ten nasa taka hmasawnna an nei tih kan hmu khan min ti lawm," a ti. Eric hian PVL hmasa berah Anastasia a champion pui a, season hmasa khan Tuichangral chu final a luh pui bawk.