Roger Federer a chak hram
Ningani zan khan Italian Open khelh mekah Roger Federer chuan harsa takin quarterfinal a inhlangkai a, champion tura rinkai Novak Djokovic leh Rafael Nadal te pawhin last 16 an paltlang tawh bawk.
Federer vannei
Italy khawpui Rome-a inkhelah Federer hi Borna Coric nen an inhmachhawn, seeded 13-na Coris hian match point a hmuh vawi hnih a chhawr ṭangkai theih loh avangin world number 3 Federer-a'n 2-6, 6-4, 7-6 (9-7) in hnehna a chang.
Italy khawpui Rome-a inkhelah Federer hi Borna Coric nen an inhmachhawn, seeded 13-na Coris hian match point a hmuh vawi hnih a chhawr ṭangkai theih loh avangin world number 3 Federer-a'n 2-6, 6-4, 7-6 (9-7) in hnehna a chang.
Federer leh Coric te hi clay court bikah chuan an vawi khat intawnna a ni a, hnehna chang turin hun ṭha nei ve ve mah se darkar hnih leh minute 31 an inkhelh hnuah tawnhriat ngah zawk Federer a chungnung. Grand Slam vawi 20 champion tawh Federer hian a match lehpekah chuan kumin Australian Open-a a ngam loh Stefanos Tsitsipas a hmachhawn ang. Greek tlangval hian quarterfinal lut turin Jannik Sinner 6-3, 6-2 leh seeded 10-na Fabio Fognini 6-4, 6-3 te a paltlang a ni.
Nadal leh Djokovic
Italian Open champion lai Nadal-a'n match hmasa zawkah Jeremy Chardy 6-0, 6-1 in a sawp hnuah Nikoloz Basilashvili lakah a chungnunzia lantir nan 6-1, 6-0 in hnehna a chang leh. Spanish tlangval hian a hnampui Fernando Verdasco a hmachhawn leh ang, ani hian Karen Khachanov 7-5, 3-6, 6-3 in a hneh ve thung.
Italian Open champion lai Nadal-a'n match hmasa zawkah Jeremy Chardy 6-0, 6-1 in a sawp hnuah Nikoloz Basilashvili lakah a chungnunzia lantir nan 6-1, 6-0 in hnehna a chang leh. Spanish tlangval hian a hnampui Fernando Verdasco a hmachhawn leh ang, ani hian Karen Khachanov 7-5, 3-6, 6-3 in a hneh ve thung.
World number 1 Djokovic-a'n a match hmasa berah rawlthar beiseiawm Denis Shapovalov 6-1, 6-3 in a hneh a, hnehna chang turin darkar khat leh minute thum bak a mamawh lo, second round-ah German Philipp Kohlschreiber 6-3, 6-0 in a hneh leh bawk.
Kum 31 mi Djokovic-a'n a match lehpekah seeded pasarihna Juan Martin del Potro a hmachhawn leh dawn, Argentine tlangval hian last 16 inkhel dangah Casper Ruud chu 6-4, 6-4 in a hneh.
Kum 31 mi Djokovic-a'n a match lehpekah seeded pasarihna Juan Martin del Potro a hmachhawn leh dawn, Argentine tlangval hian last 16 inkhel dangah Casper Ruud chu 6-4, 6-4 in a hneh.
Kyrgios a che mawi lo
Second round an khelh hmain first round-ah Nick Kyrgios leh Casper Ruud te an intawng, player pahnih hian set khat ve ve an lak hnuah set thumna an khel. Rudd-a'n 2-1 a hma a hruai laiin Kyrgios hi a ṭawngkam mawi lo vangin game paih sak a ni.
Game paih sak a nih vangin Kyrgios a lungawi lo a, tui bottle a pet bakah racquet a paih - court chhungah chair paihin a bag a la a, inkhel zui duh loin tennis court a chhuahsan nghal.
Second round an khelh hmain first round-ah Nick Kyrgios leh Casper Ruud te an intawng, player pahnih hian set khat ve ve an lak hnuah set thumna an khel. Rudd-a'n 2-1 a hma a hruai laiin Kyrgios hi a ṭawngkam mawi lo vangin game paih sak a ni.
Game paih sak a nih vangin Kyrgios a lungawi lo a, tui bottle a pet bakah racquet a paih - court chhungah chair paihin a bag a la a, inkhel zui duh loin tennis court a chhuahsan nghal.
Kyrgios hi £17,461 chawitir a ni a, Italian Open aṭanga a sum dawn tur pawh hnuhkir sak a ni. World ranking point a hmuh belh tur paih sak a nih bakah a thil tih chhiat man chawi tura tih a ni bawk. Kum 24 mi Kyrgios hian theihna sang tak a nei a, mahse a nungchang mawi lo vangin a thlen san tur angin a thleng sang thei lo. Hremna hrang hrang a tawng tawh a, March thla mai pawh khan Miami Open-ah fans nen buaina an neih avangin hrem a tawk bawk a ni.