Chelsea-in Atletico an pet chhuak
Thomas Tuchel-a hnuaiah Chelsea-in harhtharna dik an chang a, Nilaini zan khan Stamford Bridge-ah Atletico Madrid 2-0 in an hneh. London club hian first leg-a an chak tawhna nen belhkhawmin 3-0 in an chak a, Blues-in UEFA Champions League quarterfinal an thleng.
Chelsea hian FA Cup quarterfinal an lut tawh bawk. Blues hian March 21, Pathianni zan hian Sheffield United nen semifinal khel tur an zawng dawn a, nomawi pahnih an la chawi theih tihna a ni.
Roman Abramovich-a'n thutlukna huaisen siamin Frank Lampard a ban a, Tuchel a lalut. German manager hnuaiah match 13 an khel tawh a, hneh loh an la tawng lo a, an khelh dan thlir tel bawkin Abramovich-a'n thutlukna a siamfuh a tih theih.
Reds hnehtu Atletico
Atletico Madrid hian season liam ta khan Champions League champion lai Liverpool chu quarterfinal-ah an hneh a, kum 10 chhungin final vawi hnih an lut thei a, La Liga hmahruaitu an nih bawk avangin Diego Simeone hote hi 'comeback' thei turin Spanish club hi an ṭha tawk.
Atletico Madrid hian season liam ta khan Champions League champion lai Liverpool chu quarterfinal-ah an hneh a, kum 10 chhungin final vawi hnih an lut thei a, La Liga hmahruaitu an nih bawk avangin Diego Simeone hote hi 'comeback' thei turin Spanish club hi an ṭha tawk.
Atletico-in an player neih ṭhat an thawhchhuahpui a, tlarhmaah Luis Suarez leh Joao Felix te an inkawp. Midfield laiah Saul Niguez leh Koke te an awm a, tlarhnungah pawh keeper ṭha mi Jan Oblak-a'n a ho bawk.
Mahse maw...
Simeone-a'n hnehna chan ngei tumin Stamford Bridge an tlawh a, amaherawhchu Atletico mikhual turin Thomas Tuchel a inpeih. German manager hian manager ṭha te tih dan ṭhin angin team boruak a ti ṭha a, a player neih angte chhawr tlak vekin a siam.
Simeone-a'n hnehna chan ngei tumin Stamford Bridge an tlawh a, amaherawhchu Atletico mikhual turin Thomas Tuchel a inpeih. German manager hian manager ṭha te tih dan ṭhin angin team boruak a ti ṭha a, a player neih angte chhawr tlak vekin a siam.
Atletico hmachhawn tur hian nipui transfer-a manto taka Blues-in an lakluh Timo Werner, Kai Havertz leh Hakim Ziyech te chu tlarhmaah an dah. Inelna sangah player manto danglamna a lang.
Blues-in minute 34-naah counter attack hmangin an vaw let a, Havertz-a ball pek chu vei lamah Werner-a'n umlutin Germany international cross chu Ziyech-a'n cool takin a khung. Chelsea player-te ball inpe kual a hmuhnawm a, chutihrualin keeper Oblak-a'n a tihtur a ti tawk lo.
Chelsea an che ṭha a, Atletico harsatna belhchhah turin minute 81-naah Stefan Savic hnawhchhuah a ni. London club chakna nemnghet turin Emerson Palmieri-a'n injury time-ah a khung belh a, Stamford Bridge-ah Blues 2-0 in an chak.
Chhuanlam a awm?
Goal luh hmain Chelsea captain Cesar Azpilicueta-a'n winger Yannick Carrasco a pawt thlu a, Atletico Madrid-in penalty an beisei. Italian official Daniele Orsato-a'n Spanish club beiseina a tih hlawhtlinsak lo a, VAR hmanga enlet a ni lo bawk.
Goal luh hmain Chelsea captain Cesar Azpilicueta-a'n winger Yannick Carrasco a pawt thlu a, Atletico Madrid-in penalty an beisei. Italian official Daniele Orsato-a'n Spanish club beiseina a tih hlawhtlinsak lo a, VAR hmanga enlet a ni lo bawk.
Atletico manager Diego Simeone erawhin an chak loh danah chhuanlam a siam lo. Argentine manager chuan, "Chhuanlam siam kan tum lo. Team ṭha zawkin min hneh a ni. Nawr tawm tumin pressure kan pe a, amaherawhchu an tal put zel thei a, kan dang hneh lo a ni," tiin an khel ṭha lo zawk tih a pawm.
Atletico tlarhmaa player langsar ber Suarez chu minute 59-na lekah thlak a ni a, Uruguayan forward hi a lawm lo. Simeone chuan, "Thil danglam vak a ni lo. Player hian khelh tam an duh a, inkhel pawimawh laia thlak hi an duh lo a ni," tiin a sawi.
Blues an ṭha
Chelsea an che ṭha a, midfield-a inkawp N'Golo Kante leh Mateo Kovacic ten theihna an neihsan zia a lang. Premier League-a Leicester champion pui tawhtu leh FIFA World Cup meuha France champion puitu Kante-a langsar zual a, Atletico player-te ball inpe kual tur a dang chat ṭha a, player danglam bik a nihzia a pholang.
Chelsea an che ṭha a, midfield-a inkawp N'Golo Kante leh Mateo Kovacic ten theihna an neihsan zia a lang. Premier League-a Leicester champion pui tawhtu leh FIFA World Cup meuha France champion puitu Kante-a langsar zual a, Atletico player-te ball inpe kual tur a dang chat ṭha a, player danglam bik a nihzia a pholang.
German manager Thomas Tuchel chuan, "Kan khel ṭha takzet. Khelmuala inlan te chauh ni loin technical area lama awmte nen lam khan kan che ṭha tlang a, chak kan duhzia kan pholang. Second half-ah talbuai deuh lai nei mah ila chak tura kan mamawh angte ti turin kan inpeih a ni," tiin a sawi.