Messi, i chhuak thei lo ang - Laporta
Barcelona President thar Joan Laporta chu Nilaini zan khan Nou Camp-ah lakluh a ni a, Laporta chuan an player chhuanvawr Messi chu chhuak lo turin a thlem.
Laporta hian June, 2003 - June, 2010 inkar khan Barcelona President hna hi a lo chelh tawh a, kar hmasa khan a vawi hnih nan Barca President ni tura thlan tlin a ni.
Kum 58 mi Laporta chuan, "Leo, i chhuak thei lo tih i inhria a ni," tiin amah lawmluhnaa tel ve Lionel Messi chu a thusawina aṭangin an hnena cham turin a ngen a, chhuahtir a tum lo hle.
Laporta President-na hnuaiah Barca hian La Liga (4), Champions League (2), Copa del Rey (1), Spanish Super Cup (1), UEFA Super Cup (1) leh FIFA Club World Cup (1) nomawi an lo chawi tawh a, hlawhtlinna thar an beisei leh ang.
Chhuah dilna
Nipui transfer lai khan Lionel Messi-a'n khawvel barakhaihin Catalan club thuneitute hnenah chhuah dilna lehkha a thehlut a, mahse, Argentine forward hi a duh anga chhuah remtihsak a ni lo.
Nipui transfer lai khan Lionel Messi-a'n khawvel barakhaihin Catalan club thuneitute hnenah chhuah dilna lehkha a thehlut a, mahse, Argentine forward hi a duh anga chhuah remtihsak a ni lo.
Messi hian a thlawna chhuah theihna dan a neiah a inngai a, mahse, Barcelona lamin man neia chhuahtir an duh thung - mahse, Argentine forward contract-ah hian a chhuah dawna a man tur zat a inziak tel a, pound maktaduai 630-a tling!
Kum 33 mi forward hian kum khatah pound maktaduai 100 chuang a hlawh bawk si avangin khawvelaah Messi lei chhuak tur khawpa club hausa tawk an awm lo a, kawng awmchhun chu court lama kal a ni.
Mahse, Messi-a'n naupang mai a nih laia duat taka seng lut a, vawiin dinhmun thlentirtu Barcelona meuh court-a khin a duh lo a, tui lo tak chungin Nou Camp-ah a cham chhunzawm.
Tichuan...
Messi-a cham a, khelmual chhung leh pawna Barca dinhmun a ṭha thei chuang lo - October 2020 khan Barca president Josep Maria Bartomeu chuan hmingchhe tak chungin a nihna chu a bansan hial.
Messi-a cham a, khelmual chhung leh pawna Barca dinhmun a ṭha thei chuang lo - October 2020 khan Barca president Josep Maria Bartomeu chuan hmingchhe tak chungin a nihna chu a bansan hial.
January-a lo her chhuak a, season tawp ruala a contract hmang zo mai tawh tur Messi-a'n a duh chuan zalen takin club dang a biak a thiang a, Argentine forward hawi lam tur an inrinsiak.
Mahse, Messi-a'n club biak a neih loh thu a sawi a, Barcelona-in President thar an neih hunah a hma hun tichiang tura thutlukna a siam tur thu a sawi - tunah President thar an nei ta.
Mahse, Messi-a'n club biak a neih loh thu a sawi a, Barcelona-in President thar an neih hunah a hma hun tichiang tura thutlukna a siam tur thu a sawi - tunah President thar an nei ta.
Laporta hian President a chuh lai aṭang tawhin Messi chelh a tum tur thu hi uar takin a lo sawi tawh a, hneh taka thlan tlin a nih chhan zingah pawh hei hi a tel niin a lang.
Cham rih la
Cham rih la
Nilaini zanah Laporta lawmluhna neih a ni ta ngei a, Spanish dan hre mi lar tak hi thu a sawi hmain Messi nen an inpawm vawng vawng a, Bartomeu ang ngawt kha chu a ni lo, tih a lang.
Laporta chuan, "Ka hun hmasaah khan Barca chanchina player ṭha ber ber kan kawl a, kan hlawhtlin chhan lian tak erawh kan dinnaah kan ngheh tlat ṭhin vang a ni.
"Kan thawhhona ṭha khan nghet taka ding turin min pui a, Barcelona chhungkua zawng zawngte Barca tana an tih theih ngaihtuah turin ka ngen duh a ni.
"He hmunah hian thutlukna siam tura awm ka ni a, chung zingah chuan Messi chelh pawh a tel - ani pawhin a hria a ni," a ti.
Cham rawh, Leo!
Mipui zingah Messi tel mah se Laporta-a'n insum a tum lo. Barca President chuan, "Ka ngainatzia che i hria a, he hmuna i cham theih nan chuan engpawh ka ti ang. I chhuak thei lo a ni, Leo," tiin an club chanchina player ropui ber chu chhuak lo turin a thlem.
Mipui zingah Messi tel mah se Laporta-a'n insum a tum lo. Barca President chuan, "Ka ngainatzia che i hria a, he hmuna i cham theih nan chuan engpawh ka ti ang. I chhuak thei lo a ni, Leo," tiin an club chanchina player ropui ber chu chhuak lo turin a thlem.
Laporta chuan, "Khawvel footballer awm tawh zinga ṭha ber a nih avangin chelh ngei kan duh - he stadium hi a khah leh hunah chuan i chhuak duh lo ang," a ti a, fans tam takin Messi an ngainatzia a hrilh nawn.
Messi hian tun season-ah Barcelona tan inelna hrang hrangah match 36 khelin goal 27-a khung a, assist vawi 12-a nei bawk - kum 33 ni tawh mah se a la nep lo hle.
Messi hian tun season-ah Barcelona tan inelna hrang hrangah match 36 khelin goal 27-a khung a, assist vawi 12-a nei bawk - kum 33 ni tawh mah se a la nep lo hle.
Ballon d'Or vawi ruk dawng thei awmchhun Messi hian Barca tan a career-ah match 767 khelin goal 661-a khung a, assist vawi 290-a nei bawk - La Liga (10), Copa del Rey (6), Spanish Super Cup (7), Champions League (4), UEFA Super Cup (3) leh FIFA Club World Cup (3)-ah te a champion pui!
Indinthar lehna
Barcelona hi tun hnaiah nasa takin sum lamah an talbuai a, thuthar ṭhenkhatah chuan Barca hian Messi hi 30% a a hlawh tihniam tura thlem an tum a, mahse, a dam chhunga hlawh a neih theihna turin a career tawpah hna pek an tum thung.
Barcelona hi tun hnaiah nasa takin sum lamah an talbuai a, thuthar ṭhenkhatah chuan Barca hian Messi hi 30% a a hlawh tihniam tura thlem an tum a, mahse, a dam chhunga hlawh a neih theihna turin a career tawpah hna pek an tum thung.
Laporta chuan, "Theihtawpa hma kan lak a ngai a, Barcelona inchhuan leh theih nan hma kan la ang. Kan sum dinhmun hi a pawimawh hmasa ber chu a ni a, he club hi nghet taka a inrelbawl leh theih nan hma kan la dawn a ni.
"Ruahmanna pawh kan nei vek tawh a, Barcelona tana ṭha ber tur zelin thutlukna kan siam ang. Nghet taka ding thei tura hmalak hi a pawimawh hmasa chu a ni," a ti a, coach Ronald Koeman chu, "Kan ringtawk che a ni," tiin hlauthawng lo turin a chah bawk.
Barca hian an beisei angin sum leh paiah inrelbawlna thar ṭha zawk an kalpui thei lo a nih chuan Messi chelh a harsa ang - Argentine forward hi Manchester City leh Paris Saint-Germain nen sawizawm mek a ni a, Barca nena sawizawm Sergio Aguero-a'n Nou Camp-a pan a nih chuan Messi hian cham a thlang zawkin a rinawm.