Sociedad-in Copa del Rey final lut

Real Sociedad chuan Copa del Rey semifinal second leg-ah 1-0 in Mirandes an hneh a, inkhel hmasa zawkah 2-1 a hnehna an lo chan tawh bawk avangin inkhel pahnih belhkhawmah 3-1 in an chak.

 

Inkhela goal awmchhun hi penalty aṭanga lut a ni a, Mirdandes player Mickael Marsal chuan a kuta ball a tawh fuh avangin minute 40-naah penalty a chawi. Kum 22 mi winger Mikel Oyarzabal a lo pen chhuak a, goal-ah a chantir - tun season-ah match 31 khelin goal kua a khung tling ta der. 

Spain tan pawha vawi sarih inlan tawh Oyarzabal hi a kum naupan ngaihtuahin a record a chhuanawm hle. Sociedad tan 2015 khan a match hmasa ber a khel a, match 182 inlansak tawhin goal 47 a khung tawh. Sociedad tan hian Adnan Januzaj chuan woodwork a tih per a, second division club Mirandes-in minute 90 chhungin target-ah vawi khat chiah shot an nei a, an mumang ram chu tihtawpin a awm ta. Copa del Rey semifinal inkhel dangah nizan khan Granada leh Athletic Bilbao an inkhel a, result kan hre hman lo. April 18-ah final khelh a ni ang.