Mizoram vawi nga an chak zawn Hmabak chu an kutah a awm ta
India ram pum huap hmeichhe cricket inelna Womens Senior One Day Trophy (2020-21) neih mekah, nimin khan Mizoram chuan Pondicherry lakah run 15-in hnehna an chang - a zawin match nga chhung an chak ta.
Mizoram hian plate group-ah hma an hruai a, khelh hmabak pakhat an la neihah an chak a nih chuan knockout stage an lut ang. March 21, Pathianni hian Bihar nen an inhmachhawn leh dawn a ni.
Mizoram hian plate group-ah hma an hruai a, khelh hmabak pakhat an la neihah an chak a nih chuan knockout stage an lut ang. March 21, Pathianni hian Bihar nen an inhmachhawn leh dawn a ni.
Cricket Association of Mizoram (CAM) tirha feh chhuak hian an match hnuhnung berah hnehna chang lo pawh ni se tlang theihna kawng a awm. Mahse, an chak lo a nih chuan Pondicherry leh Jammu and Kashmir inkhel result an ngaihchan tel a ngai ang.
Vawi nga chak
Alur Cricket Stadium II, Bangalore a inelna neihah, ṭhum vawrah Mizoram vannei zawkin vuak hmasak an thlang. CAM team tan K. Lalrinawmi (Omomi) chuan run 39 a siam a, match danga khel ṭha ṭhin PC Vansangzuali chuan run 11 a vaw chhuak bawk.
Alur Cricket Stadium II, Bangalore a inelna neihah, ṭhum vawrah Mizoram vannei zawkin vuak hmasak an thlang. CAM team tan K. Lalrinawmi (Omomi) chuan run 39 a siam a, match danga khel ṭha ṭhin PC Vansangzuali chuan run 11 a vaw chhuak bawk.
Mizoram lamin over 50 chhungin run 185/6 an siam a, target sang pangngai tak a ni. Pondicherry lamin India tana khel tawh Karuna Jain hoin na takin an um a, chak beiseina pawh an nei sang hman. Mahse, run 170 chauh siamin an thi kim.
Tualchhung nula ten hma an sawn a, league match nga an khelh tawh chinah run siam ṭha leh langsar zingah an tel ziah. Batsman bakah ball vawm thiam Lalrinmawii chuan Pondicherry lakah wicket hnih lain a thawhhlawk hle.
Beiseina
Mizoram manager Raj Kumar Joshi chuan, "Kan beisei phak bakin kan result a ṭha, hnehna chan tuma kal ni mah ila a zawna vawi nga chak hi chu kan rin phak bak a ni. Chutih rualin hmabak erawh kan la ngah hle.
Mizoram manager Raj Kumar Joshi chuan, "Kan beisei phak bakin kan result a ṭha, hnehna chan tuma kal ni mah ila a zawna vawi nga chak hi chu kan rin phak bak a ni. Chutih rualin hmabak erawh kan la ngah hle.
"Bihar nen kan inkhel leh dawn a ni a, team ṭha an nih avangin chetsual theihna a la tam. Theihtawp kan chhuah leh dawn, beiseina sang tak nen knockout round luh tum chungin kan bei ang," tiin fimkhur taka an khelh tur thu Vanglaini a hrilh.
Plate group-ah Mizoram hian - Pondicherry, Jammu and Kashmir, Sikkim, Manipur leh Arunachal Pradesh te an hneh vek; an hmabak chu Bihar chauh an ni ta, group stage an paltlang a nih chuan Mizoram tan mellung pawimawh an phun ang.
Mizoram Team
# Player Role Khua/Veng
1 Ramengmawii Bowler/Batsman Durtlang Mel-5
2 Lalremruati Batsman Chanmari West
3 Julie Malsawmtluangi Batsman Ramhlun 'N'
4 Lalmuanpuii Batsman Dawrpui Vengthar
5 Ngaihpari Batsman Durtlang Ramthar
6 Lalnunsangi Ngurte Bowler Chhinga Veng
7 Lallawmawmi Ralte Bowler Durtlang
8 Lalhriatpuii Bowler Armed Veng South
9 Ramchhuansangi Bowler Zotlang
10 K. Lalrinawmi Batsman/Wiket keeper Durtlang Mel-5
11 PC Vansangzuali Batsman/bowler Vaivakawn
12 C. Lalmuanpuii Bowler Khatla
13 Vanlalsiamleni Batsman Durtlang
14 Thelma Laldinthari Batsman Govt Complex
15 Lalhmangaihsangi Batsman Chhinga Veng
16 Lalrinmawii Bowler Govt Complex
17 Lalrinfeli Batsman Sihphir, Aizawl, Mizoram
18 Apurwa Bhardwaj Batsman/bowler Central Railway
19 Ruchita Bhuley Batsman/Bowler Central Railway
20 Prajakta Shirwadkar Batsman/Wicket Keeper Mumbai
# Player Role Khua/Veng
1 Ramengmawii Bowler/Batsman Durtlang Mel-5
2 Lalremruati Batsman Chanmari West
3 Julie Malsawmtluangi Batsman Ramhlun 'N'
4 Lalmuanpuii Batsman Dawrpui Vengthar
5 Ngaihpari Batsman Durtlang Ramthar
6 Lalnunsangi Ngurte Bowler Chhinga Veng
7 Lallawmawmi Ralte Bowler Durtlang
8 Lalhriatpuii Bowler Armed Veng South
9 Ramchhuansangi Bowler Zotlang
10 K. Lalrinawmi Batsman/Wiket keeper Durtlang Mel-5
11 PC Vansangzuali Batsman/bowler Vaivakawn
12 C. Lalmuanpuii Bowler Khatla
13 Vanlalsiamleni Batsman Durtlang
14 Thelma Laldinthari Batsman Govt Complex
15 Lalhmangaihsangi Batsman Chhinga Veng
16 Lalrinmawii Bowler Govt Complex
17 Lalrinfeli Batsman Sihphir, Aizawl, Mizoram
18 Apurwa Bhardwaj Batsman/bowler Central Railway
19 Ruchita Bhuley Batsman/Bowler Central Railway
20 Prajakta Shirwadkar Batsman/Wicket Keeper Mumbai