San Siro-ah Man United-in Milan an hneh
Manchester United-in Europa League quarterfinal lut turin San Siro an luhchhuah a, Ningani zan khan AC Milan 1-0 in an hneh. Second half ṭantirha lut Paul Pogba-a'n minute 48-naah goal awmchhun a khung a, Ole Gunnar Solskjaer-a hoten aggregate-ah 2-1 in hnehna an chang.
Tute nge inlan?
Old Trafford-ah Manchester United-in injury time-ah goal an chhuah a, first leg-ah 1-1 a nih avangin San Siro-ah goal khung ngei an mamawh. Amaherawhchu Uruguayan forward Edinson Cavani leh French forward Anthony Martial te inhliam vangin Italy an pan thei lo.
Inkhel pawimawhah United hma tawngah Marcus Rashford, Mason Greenwood leh Daniel James te an awm a, bench-a attacking player anga chhal theih awm chu rawlthar Amad Diallo deuh chiah a ni. Chutihrualin Paul Pogba leh Donny Van de Beek te bench-ah an awm avangin United squad a pan chhe lo.
AC Milan tan tun season-a goal khung tam ber Zlatan Ibrahimovic pawhin bul a la ṭan thei bik lo a, bench-ah a dah a ni. United aṭanga loan hmanga an hawh Diogo Dalot pawh bench-ah a awm bawk.
PogBoom
San Siro-ah mualneitu Milan-in bul an ṭan ṭha zawk a; Rade Krunic, Alexis Saelemaekers leh Theo Hernandez ten English club tlarhnung an chhaih buai mah se keeper Dean Henderson a ding khawng ve tlat.
San Siro-ah mualneitu Milan-in bul an ṭan ṭha zawk a; Rade Krunic, Alexis Saelemaekers leh Theo Hernandez ten English club tlarhnung an chhaih buai mah se keeper Dean Henderson a ding khawng ve tlat.
First half-ah Marcus Rashford a inhliam vangin second half ṭantirhah Paul Pogba a rawn lut a, French midfielder hian United inkhel a ti nung hle. Minute 48-naah Milan tlarhnungin ball an clear mai thei lo a, Pogba-a'n angle zim tak aṭangin goal pawimawh a khung.
Pogba hian goal a khung ringawt lo a, game-ah pawh player ṭha bik a nihzia a pholang. Fred leh Scott McTominay ten defence an thlawp ṭha a, midfielder pahnih hian midfielder theihna nei sang pahnih Bruno Fernandes leh Pogba te nen an inkawp rem a, second half-ah Milan aiin United an khel ṭha ta zawk.
Chutihrualin United chak nan keeper Henderson a pawimawh hle. English keeper hian Milan substitute Zlatan Ibrahimovic-a ball tauh ṭha zet chu a dang a, Swede striker pawhin a club hlui laka goal a khung lo hi mak a ti hle!
Henderson hian United tana match 18-ah clean sheet vawi 11 a nei a, David de Gea aiin record a nei ṭha zawk. Spanish keeper hian match 29-ah clean sheet vawi 10 a nei. United legend Paul Scholes chuan, "Henderson hi number 1 tharah ka ngai," tiin English keeper chu first keeper tura a duh zawk thu a sawi.
Eng nge an sawi?
Manchester United manager Ole Gunnar Solskjaer chuan, "Paul Pogba tel loin ka nauten ṭha takin an khel a, chutihrualin Pogba theihna erawh kan hre vek. Player ṭha bik a ni a, danglamna thlen thei a ni. A thawkrim em em a, amaherawhchu in hmuh ang khan minute 45 bak a la khel thei rih lo," tiin mimal takin Pogba a fak a, player dang pawh a fak zui bawk.
Manchester United manager Ole Gunnar Solskjaer chuan, "Paul Pogba tel loin ka nauten ṭha takin an khel a, chutihrualin Pogba theihna erawh kan hre vek. Player ṭha bik a ni a, danglamna thlen thei a ni. A thawkrim em em a, amaherawhchu in hmuh ang khan minute 45 bak a la khel thei rih lo," tiin mimal takin Pogba a fak a, player dang pawh a fak zui bawk.
United hian Milan an hneh avangin inrintawkna an ngah ang a, Pobga rawn chet ṭhat bakah tlarhnunga Victor Lindelof leh Harry Maguire te che ṭha chuan phurna nasa tak a pe ang. Season liam ta khan semifinal-ah Sevilla an hneh lo a, Solskjaer-a hnuaiah nomawi la chawi lo mah se champion rinkai zingah an tel pha ang.