Mourinho hoin Tottenham an tla
Jose Mourinho enkawl Tottenham Hotspur chu dinhmun ṭha taka an din hnuin pheh thlak an ni. Portuguese manager hian inkhelh banah fans chungah ngaihdam a dil a, a player-te erawh an rilru put hmang a dik lo tiin a sawisel.
Spurs hian 2-0 a hmahruai chungin Dinamo Zagreb an tlawh, an mikhualna ramah Croatian club tan Mislav Orsic-a'n hattrick lo siam khumin; inkhel pahnih belh khawmah English club 3-2 in an chak lo - Europa League last 16 aṭangin an tla.
Goal thum chu
Ningani zan Stadion Maksimir a inkhelah hun chanve hma lamin goal a lut lo, first leg lama goal hnih nei sa Tottenham tan tlang turin minute 45 chhunga goal khat aia tam chhuah loh a tawk - tlarhnung ven thiam Mourinho tan a naute rem phui a huphurhawm hran lo ang.
Ningani zan Stadion Maksimir a inkhelah hun chanve hma lamin goal a lut lo, first leg lama goal hnih nei sa Tottenham tan tlang turin minute 45 chhunga goal khat aia tam chhuah loh a tawk - tlarhnung ven thiam Mourinho tan a naute rem phui a huphurhawm hran lo ang.
Mahse, rin ang ngawt a ni lo. Minute 62-naah Orsic-a'n amah vengtu defender a paltlang hnuin mawi zetin a pet kum lut a, hun tawp hma minute riat chauh awm tawhah box chhunga Spurs player pariat awmin an ven loh kar aṭangin siphurh a sut.
Tottenham lamin goal hlauhawm an nei thei lo, extra time khelh hnuah pawh Dynamo lam bawk an hlauhawm. Croatia international winger Orsic-a'n player pahnih kara ball la tlangin keeper Hugo Lloris dan phak lohin a khung, beiseina tlemte an neih chu a takah an chantir.
Jail tang kha
Team pahnih an intawn hmasakin Dinamo hi coach Zoran Mamic enkawlna hnuaiah an khel, an intawn karlakah Mamic hi a thubuai chungchangah thutlukna a chhuak a, thiam loh chantir a nih avangin a hna a bansan - jail tang tura tih a ni.
Team pahnih an intawn hmasakin Dinamo hi coach Zoran Mamic enkawlna hnuaiah an khel, an intawn karlakah Mamic hi a thubuai chungchangah thutlukna a chhuak a, thiam loh chantir a nih avangin a hna a bansan - jail tang tura tih a ni.
Croatian league hmahruaitu hi Damir Krznar hoin an khel. Inkhelh hmain Krznar hian an manager chhuakta hmun ruak a zau thu leh, a ngaih tur thu a sawi lawk. Khelmual chhungah a naute a khelhtir danah erawh coach hlui an ngai lo niin a lang.
Zagreb coach Krznar chuan, "Inkhel chanchin mak leh danglam tak chu a ni. Hnehna chan let theih kha kan beisei a, mahse a taka a thlen beiseina erawh a tlem. Ka naute kha kawng engkimah inlungrual taka an chet theih avangin hnehna kan chang," a ti.
Jose a lawm lo
Harry Kane, Lucas Moura, Erik Lamela leh Dele Alli ten tlarhma lamah bul an ṭan a, goal an khung loh bakah hun ṭha an insiam hleithei lo. Arsenal laka tlawm hlim team hian tha hrui an nei lo hle, bench aṭanga lut Gareth Bale pawhin danglamna a siam thei chuang lo.
Harry Kane, Lucas Moura, Erik Lamela leh Dele Alli ten tlarhma lamah bul an ṭan a, goal an khung loh bakah hun ṭha an insiam hleithei lo. Arsenal laka tlawm hlim team hian tha hrui an nei lo hle, bench aṭanga lut Gareth Bale pawhin danglamna a siam thei chuang lo.
Mourinho chuan, "Team pahnih rilru put hmang a inan loh em avangin ka lawm lo. Football chauh a ni lo, hring nunah hian kan hna leh thil tih hi kan zah tur a ni," tiin a naute chu inkhela rilru pe tawk lo leh inthlahdah tiin a sawisel.
Portuguese manager chuan sawi zawmin, "Tottenham ṭantute chungah ngaihdam ka dil, kan nat dan a inan ka ring. Thi leh dam kara leng kan ni a, tun ṭum kan result-ah chuan kan thi a ni," tiin a sawi.