Wimbledon entu an awm beisei

Tennis inelna ngaihhlut Wimbledon chu kuminah neih theih an tum a, chutih rualin hrileng vangin tournament kalphung erawh a pangngai thei dawn lo - a hmuna entu awm mah se stadium khatin an awm dawn lo.

Season hmasa khan Covid-19 vangin Wimbledon hi an khel lo, indopui pahnihna hnua an khelh loh hmasak ber a ni hial. Kuminah chuan hrilengin ziaawm lam a pan hret, inkhuahkhirhna dan zawm chungin tournament hi khelh an tum.

Thuchhuah siamin Wimbledon chuan, "Sorkar thuneitu lam nen inbiakna a awm reng, stadium chhung bakah pawn lam aṭanga en theihna kawng ngaihtuah a ni. Damdawi lam thiamten an remtih zat a zirin ticket pawh siam a ni ang," an ti.

Wimbledon khelh hnuhnung ber khan ni 13 chhungin a hmuna entu 500,397 chuang an awm. Stadium chhung bakah Wimbledon Park-a phul (grass) aṭangin fans tam takin a huhoin inkhel an en ṭhin.