Kenin chak niah Cornet a tla

Tenns inelna Lyon Open khelh laiah Sofia Kenin chuan harsa lutuk loin last 16 a inhlangkai a, thleng sang tura ngaih zinga mi seeded palina Alize Cornet erawh a match hnihnaah a tla.

Nilaini inkhelah Kenin hian Vitalia Diatchenko chu 6-4, 6-3 in a hneh. Australian Open champion Kenin hian Grand Slam nomawi a chawi hnuah beisei a phak lo, Qatar leh Dubai-ah a thleng sang lo; tunah erawh a thiam zual 16 zingah a inhlangkai.

Tualchhung nula chhuanvawr Cornet-i'n court chhungah ṭantu ngah viau mah se Camila Giorgi chu 4-6, 7-6 (7-5), 6-2 in a ngam lo - Lyon khawpuiin an nula champion hmuh an tumna chu a thlawn ta rih. Monterrey Open-ah pawh beisei loh result kan hmu, American nula Sloane Stephens chu Leylah Fernandez lakah 6-7 (4-7), 6-3, 6-3 a chak loin quarterfinal a lut zo lo. Stephens hian kuminah match khat bak hnehna chan a la nei lo a ni.