Vawi thum chak zawn RVL

Mahuma Memorial 1st Division Screening Tournament 2021 khelh mekah Ramhlun Venglai an che ṭha tluang a, league match thum an khelh tawh chinah hnehna la chang vekin table chung berah an awm.
Inrinni khan Suaka Cricket Ground, Sihhmuiah RVL hian Bawngkawn South chu wicket sarihin an hneh. Ṭhum vawra vannei zawk Bawngkawn lamin over 50 chhungin run 176 bak an siam thei lo.
Ramhlun Venglai lamin over 26.2 lekah target tlan pelin mi pathum chauh an in hloh. Player of the Match atana thlan Joseph Lalthankhuma'n run 32 siamin a thi lo a, ani hian wicket thum a la bawk.
Tualchhung cricket inelna lian hi vawiin hian a hmun ngaiah inelna neih chhunzawm a ni leh dawn. 2nd division lam pawhin Durtlang Khelmualah Khaled Memorial an khel chhunzawm ve leh bawk ang.

Mahuma Memorial (1st Division)
Vawiin Inkhel Tur
Armed Veng    09:30 AM    Kulikawn
March 20, Inrinni Result
Ramhlun Venglai (177/3)    bt    Bawngkawn South (176/9)
(Ramhlun Venglai hi wicket sarihin an chak)
Toss: Bawngkawn South lamin vuak hmasak an thlang
PoM: Joseph Lalthankhuma, Ramhlun Venglai
Khaled Memorial (2nd Division)
Vawiin Inkhel Tur
Tlangnuam    09:30 AM    Legends
March 20, Inrinni Result
Venghnuai Raiders (103/7)    bt    Saron (102/10)
(Venghnuai hi wicket thumin an chak)
Toss: Saron lamin vuak hmasak an thlang
PoM: Tluanga Varte, Venghnuai Raiders