Mumang ramah Mizoram cricket team
Mizoram hmeichhe cricket team chu 'tournament tikimtu' an ni satliah ta lo. Cricket Association of Mizoram (CAM) team hian Womens Senior One Day Trophy (2020-21) khelh laiah last 16 an lut. Mizo nula ten India ram huap inelnaah an tawn san ber ṭum a ni.
Alur Cricket Stadium, Bangalore a inelna neihah Mizoram hian an match hmasa pangaah - Sikkim, Manipur, Arunachal Pradesh, Pondicherry leh Jammu and Kashmir te an hneh. Niminah Bihar ngam lo mah se plate group-ah an chungnung ber a, an tlang.
Nimin khan Mizoram hian an group match hnuhnung ber khelin Bihar lakah wicket rukin an chak lo. Vuak hmasak thlangtu Mizoram hian run 128 bak an tlin lo, an khingpui lamin over 43.3 chhungin (132/4) in an hneh.
Mizoram hian last 16-ah eng team nge an hmachhawn dawn a la chiang lo. Mizoram manager Raj Kumar Joshi chuan, "Ni hnih vel chawlhna hun kan nei dawn, chumi hnuah kan khelh leh dan tur a chiang ang," tiin Vanglaini a hrilh.
Tlang dan
Group hrang hrangah ṭhen an ni a, inkhelh kual hnuah a sang ber zelin knock out round an lut. Mizoram hi plate group-ah awmin team dang pasarih nen an awmkhawm, a sang ber tho an tlang.
Chak hnem ber zel an tlang a, chak zat inang an awm chuan Nets Run Rate en ṭhin a ni. Mahse, plate group bikah chuan chak zat inang bakah point inang an awm chuan team pahnih intawn tawhna an en.
Mizoram leh Pondicherry te vawi nga ve ve an chak a, point 20 ve ve an hmuh. Pondy lamin NRR nei ṭha zawk mah se team pahnih intawna chak zawk Mizoram lam an tlang ta zawk.
Mizoram chhantu 'Head to Head'
Mizoram manager Raj Kumar Joshi chuan, "Net Run Rate en tur emaw kan tia, mahse plate group tan head-to-head a lo ni zawk si. Match nga kan chak avangin tlang chu kan phu viauin ka hria, tun dinhmun kan thlen theih chhan hi Mizo mipuite min thlawpna leh ṭawngṭai puina vang a ni," tiin Vanglaini a hrilh. Mizoram hian Net Run Rate-ah Pondicherry tluk lo mah se head to head-ah an hneh miau avangin knockout stage an lut.
Alur Cricket Stadium, Bangalore a inelna neihah Mizoram hian an match hmasa pangaah - Sikkim, Manipur, Arunachal Pradesh, Pondicherry leh Jammu and Kashmir te an hneh. Niminah Bihar ngam lo mah se plate group-ah an chungnung ber a, an tlang.
Nimin khan Mizoram hian an group match hnuhnung ber khelin Bihar lakah wicket rukin an chak lo. Vuak hmasak thlangtu Mizoram hian run 128 bak an tlin lo, an khingpui lamin over 43.3 chhungin (132/4) in an hneh.
Mizoram hian last 16-ah eng team nge an hmachhawn dawn a la chiang lo. Mizoram manager Raj Kumar Joshi chuan, "Ni hnih vel chawlhna hun kan nei dawn, chumi hnuah kan khelh leh dan tur a chiang ang," tiin Vanglaini a hrilh.
Tlang dan
Group hrang hrangah ṭhen an ni a, inkhelh kual hnuah a sang ber zelin knock out round an lut. Mizoram hi plate group-ah awmin team dang pasarih nen an awmkhawm, a sang ber tho an tlang.
Chak hnem ber zel an tlang a, chak zat inang an awm chuan Nets Run Rate en ṭhin a ni. Mahse, plate group bikah chuan chak zat inang bakah point inang an awm chuan team pahnih intawn tawhna an en.
Mizoram leh Pondicherry te vawi nga ve ve an chak a, point 20 ve ve an hmuh. Pondy lamin NRR nei ṭha zawk mah se team pahnih intawna chak zawk Mizoram lam an tlang ta zawk.
Mizoram chhantu 'Head to Head'
Mizoram manager Raj Kumar Joshi chuan, "Net Run Rate en tur emaw kan tia, mahse plate group tan head-to-head a lo ni zawk si. Match nga kan chak avangin tlang chu kan phu viauin ka hria, tun dinhmun kan thlen theih chhan hi Mizo mipuite min thlawpna leh ṭawngṭai puina vang a ni," tiin Vanglaini a hrilh. Mizoram hian Net Run Rate-ah Pondicherry tluk lo mah se head to head-ah an hneh miau avangin knockout stage an lut.