Kohli kaihruainain India-in series an la
Inrinni zan khan India leh England ten T20 match nga an khelh tura a hnuhnung ber an khel a, Men in Blue-in run 36 in hnehna an chang a, 3-2 in series an la. Virat Kohli hoten an bat hmasa a, run 224/2 an siam a, England hian run 188/8 chauhin an chhanglet.
Ahmedabad-a inkhelah hian ṭhumvawrah England an vannei a, vawm hmasak an thlang. India tan Rohit Sharma leh Kohli ten bul an rawn ṭan a, an pahnih inkawp hian run 94 an siam. Rohit hian ball 34 lekah run 64 a siam hman.
Captain Kohli hian thi loin run 80 a siam a, Suryakumar Yadav pawhin run run 32 siamin Hardik Pandya-a'n thi loin run 39 a siam bawk. India hian over 18-ah run 192 an siam a, a tawp over hnih lekah run 32 zet an vaw chhuak.
England bat hun a thleng a, Bhuvneshwar Kumar-a'n ball hnihna lekah England opener Jason Roy run siam loin an vawm hlum a, India chak turin an dinhmun a ṭha. Amaherawhchu Jos Buttler (52) leh Dawid Malan (68) te inkawpin run 130 an siam a, England-in chak beiseina an nei phah.
Bhuvneshwar Kumar bawkin Buttler leh Malan te panership rawn titawpin Buttler a rawn vawm out a, hemi hnu hian England-in ngai an awh tawh lo. Mikhual batsman-te Indian bowler Bhuvneshwar (15/2), Shardul Thakur (45/3) leh Hardik Pandya (34/1) te lakah an thamral a, over 20-ah run 188/8 chauh an siam.
India hian Test match vawi li an khelah 3-1 in hnehna an chang a, T20-ah 3-2 in hnehna an chang leh bawk. March 23 aṭangin ODI match khelh chhunzawm tur a ni a, Maharashtra Cricket Association Stadium, Pune-ah vek khelh a ni ang.
Ahmedabad-a inkhelah hian ṭhumvawrah England an vannei a, vawm hmasak an thlang. India tan Rohit Sharma leh Kohli ten bul an rawn ṭan a, an pahnih inkawp hian run 94 an siam. Rohit hian ball 34 lekah run 64 a siam hman.
Captain Kohli hian thi loin run 80 a siam a, Suryakumar Yadav pawhin run run 32 siamin Hardik Pandya-a'n thi loin run 39 a siam bawk. India hian over 18-ah run 192 an siam a, a tawp over hnih lekah run 32 zet an vaw chhuak.
England bat hun a thleng a, Bhuvneshwar Kumar-a'n ball hnihna lekah England opener Jason Roy run siam loin an vawm hlum a, India chak turin an dinhmun a ṭha. Amaherawhchu Jos Buttler (52) leh Dawid Malan (68) te inkawpin run 130 an siam a, England-in chak beiseina an nei phah.
Bhuvneshwar Kumar bawkin Buttler leh Malan te panership rawn titawpin Buttler a rawn vawm out a, hemi hnu hian England-in ngai an awh tawh lo. Mikhual batsman-te Indian bowler Bhuvneshwar (15/2), Shardul Thakur (45/3) leh Hardik Pandya (34/1) te lakah an thamral a, over 20-ah run 188/8 chauh an siam.
India hian Test match vawi li an khelah 3-1 in hnehna an chang a, T20-ah 3-2 in hnehna an chang leh bawk. March 23 aṭangin ODI match khelh chhunzawm tur a ni a, Maharashtra Cricket Association Stadium, Pune-ah vek khelh a ni ang.