Leverkusen leh Frankfurt te an tlang

Nilaini zan German Cup quarterfinal inkhelah Bayer Leverkusen leh Eintracht Frankfurt ten an khingpui ve ve hnehin semifinal an lut a, champion lai Bayern Munich chu zan hmasa lamah an lo tlang 

tawh bawk.

Mikhual Berlin lamin Marcus Ingvartsen (39') hmangin hma hruai hmasa zet mah se, mualneitu Leverkusen tan Karim Bellarabi (72'), Charles Aranguiz (86') leh Moussa Diaby (90+1') ten goal khat ṭheuh khungin an chhang let.

Leverkusen hian tun hnai inelna an hmachhawn hrang hrang 12-ah vawi 10 ngawt hnehna an chang. Season hnih liam ta khan German Cup semifinal-ah Bayern Munich an ngam lo, kuminah an inhmachawn leh a nih chuan tlawm nawn loh an tum ang.

Inkhel dangah Eintracht Frankfurt chuan Andre Silva leh Daichi Kamada te goal hmangin Werder Bremen 2-0 in an hneh ve bawk.