Bamford-a'n England tan koh a phu tih a pholang
England coach Gareth Southgate-a'n World Cup qualifier khel tur Three Lions squad-a a telh loh aṭanga ni khat liam hnuah Patrick Bamford chuan a thiamthil a pholang zui a, Leeds United-in 2-1 a Fulham an hnehna inkhelah goal a khung.
Bamford-a goal hmahruai khung hi Fulham tan Joachim Andersen chuan a chhanglet a, mahse, Raphinha-a'n goal khat a khung leh avangin relegation zone tal chhuahsan tumtu Fulham-in point an hlawh chhuak zo lo.
Leeds tan Luke Ayling leh Raphinha-ten goal khungah inngai mah se video assistant referee hmanga ennawn a nih hnuah pawmsak an ni lo a, Fulham tan Josh Maja-a khung tur Leeds keeper Illan Meslier-a'n a lo dan chu uiawm a tling a, a per lehlam chu Ayling chuan goal line aṭangin a lo pet chhuak hman bawk.
Inrinni zan Premier League inkhelah Brighton & Hove Albion chuan 3-0 in Newcastle United an sawp bawk a, Brighton hi 16-naah awmin Newcastle hi 17-na an ni thung - 18-na Fulham aia an sanna chu point hnih chauh a ni a, match khatin an khel tlem thung.
Brighton tan Leandro Trossard, Danny Welbeck leh Neal Maupay-te chuan goal khat ṭheuh an khung a, goal dang lut a awm loh avangin 3-0 in an chak.
Hei le Bamford
Fulham khelmualah Leeds United-in goal khung turin an nghah rei a ngai lo a, minute 29-naah Bamford chuan goal hmahruai a khung - Jack Harrison siamsak a ni.
Mahse, relegation zone-a awm reng duh lo Fulham-in an chhanglet vat a, goal an chhuah aṭanga minute kuanaah Lookman corner aṭanga ball kal chu Joachim Andersen chuan a volley goal.
Danish centre back Andersen hian October 2020 khan French club Lyon aṭangin Fulham hi loan hmangin a zawm a, a goal khung hi English football-a a goal hmasa ber a ni.
Goal dang lut loin chawlhlawk hman a ni a, second half ṭantirah Leeds-in an rawn khung zui lehnghal - Bamford chuan Raphinha tan a siamsak a, kum 24 mi Brazilian forward hian defender pahnih ven karah chakna goal a khung.
Fulham-in vawi 13 ngawt goal shot an nei a, target-ah vawi ruk a kal - mahse, an vanneih zan a ni lo a, goal khat bak an khung thei lo.
Euro thlirtu
World Cup qualifier squad-a Bamford telh a ni loin mak tih a hlawh a, England boss Gareth Southgate-a'n kum 27 mi striker a koh loh chhan a sawifiah a ngai hial.
Bamford chuan, "Theihtawp chhuah a, Euro khel tur zinga ka tel theih dawn leh dawn loh thlir chu ka tih theih a ni mai rih e. Tuna ka kal anga ka kal zel theih chuan hmun chan chu ka inbeisei ang.
"Tun season ṭantir khan England tana ka inlan leh lan loh chungchang hi sawi a nih tur thu min hrilh ula mi mawlah ka ngai ang che u. A lo thlen dawn chuan a thleng mai ang a, min ko ta lo a nih pawhin ka theihtawp ka chhuah tih ka hre reng dawn," a ti.
English striker hian tun season Premier League match 29-a khelh aṭangin goal 14 a khung tawh a, assist vawi sarih a nei bawk.
Bamford chuan, ""Ni e, England tana inlan leh lan loh hi ka rilruah chuan a awm ve ngei a, mahse minti phurtuah ka hmang a ni," a ti zui - minute 77-naah khel bawr hliam vanga lakchhuah a ngaih avangin Leeds lawm erawh a kim lo.
Brighton beiseina
Premier League-a an match hnuhnung parukah Brighton-in vawi khat chiah chak an nei a, vawi hnih draw result neiin vawi thum an tlawm - an dinhmun a chhe hman hle.
Graham Potter-a naute hi result duhawm loin a umzui hma hian league match li chhung chu a zawnin an tlawm lo hman a, vawi khat an draw tih loh chu an chak vek - an hneh te hi Leeds United, Tottenham Hotspur leh Liverpool an ni!
Inrinni zanah Brighton-in an thiamna an theihnghilh tawha ngaih kha an nei let leh ta a, first half hun pek belhah Trossard chuan goal hmahruai khungin second half-ah Welbeck leh Maupay-ten goal khat ve ve an khung ve leh bawk.
Magpies erawh an league match hnuhnung parukah an chak zo tawh lo a, vawi thum draw result neiin vawi thum an tlawm.
Newcastle coach Steve Bruce chuan, "Ka thiam loh vek a ni. Kan theihna ang tak kan hlat hle a, chu chuan rilru a tibuai hle. Football-ah hian hun ka hmang rei ve tawk tawh a, a harsa hle. Mahse, kan tal chhuak thei tih kan hria a, ka tlawm mai mai lo ang," tiin tlak an tum loh thu a sawi.
Bamford-a goal hmahruai khung hi Fulham tan Joachim Andersen chuan a chhanglet a, mahse, Raphinha-a'n goal khat a khung leh avangin relegation zone tal chhuahsan tumtu Fulham-in point an hlawh chhuak zo lo.
Leeds tan Luke Ayling leh Raphinha-ten goal khungah inngai mah se video assistant referee hmanga ennawn a nih hnuah pawmsak an ni lo a, Fulham tan Josh Maja-a khung tur Leeds keeper Illan Meslier-a'n a lo dan chu uiawm a tling a, a per lehlam chu Ayling chuan goal line aṭangin a lo pet chhuak hman bawk.
Inrinni zan Premier League inkhelah Brighton & Hove Albion chuan 3-0 in Newcastle United an sawp bawk a, Brighton hi 16-naah awmin Newcastle hi 17-na an ni thung - 18-na Fulham aia an sanna chu point hnih chauh a ni a, match khatin an khel tlem thung.
Brighton tan Leandro Trossard, Danny Welbeck leh Neal Maupay-te chuan goal khat ṭheuh an khung a, goal dang lut a awm loh avangin 3-0 in an chak.
Hei le Bamford
Fulham khelmualah Leeds United-in goal khung turin an nghah rei a ngai lo a, minute 29-naah Bamford chuan goal hmahruai a khung - Jack Harrison siamsak a ni.
Mahse, relegation zone-a awm reng duh lo Fulham-in an chhanglet vat a, goal an chhuah aṭanga minute kuanaah Lookman corner aṭanga ball kal chu Joachim Andersen chuan a volley goal.
Danish centre back Andersen hian October 2020 khan French club Lyon aṭangin Fulham hi loan hmangin a zawm a, a goal khung hi English football-a a goal hmasa ber a ni.
Goal dang lut loin chawlhlawk hman a ni a, second half ṭantirah Leeds-in an rawn khung zui lehnghal - Bamford chuan Raphinha tan a siamsak a, kum 24 mi Brazilian forward hian defender pahnih ven karah chakna goal a khung.
Fulham-in vawi 13 ngawt goal shot an nei a, target-ah vawi ruk a kal - mahse, an vanneih zan a ni lo a, goal khat bak an khung thei lo.
Euro thlirtu
World Cup qualifier squad-a Bamford telh a ni loin mak tih a hlawh a, England boss Gareth Southgate-a'n kum 27 mi striker a koh loh chhan a sawifiah a ngai hial.
Bamford chuan, "Theihtawp chhuah a, Euro khel tur zinga ka tel theih dawn leh dawn loh thlir chu ka tih theih a ni mai rih e. Tuna ka kal anga ka kal zel theih chuan hmun chan chu ka inbeisei ang.
"Tun season ṭantir khan England tana ka inlan leh lan loh chungchang hi sawi a nih tur thu min hrilh ula mi mawlah ka ngai ang che u. A lo thlen dawn chuan a thleng mai ang a, min ko ta lo a nih pawhin ka theihtawp ka chhuah tih ka hre reng dawn," a ti.
English striker hian tun season Premier League match 29-a khelh aṭangin goal 14 a khung tawh a, assist vawi sarih a nei bawk.
Bamford chuan, ""Ni e, England tana inlan leh lan loh hi ka rilruah chuan a awm ve ngei a, mahse minti phurtuah ka hmang a ni," a ti zui - minute 77-naah khel bawr hliam vanga lakchhuah a ngaih avangin Leeds lawm erawh a kim lo.
Brighton beiseina
Premier League-a an match hnuhnung parukah Brighton-in vawi khat chiah chak an nei a, vawi hnih draw result neiin vawi thum an tlawm - an dinhmun a chhe hman hle.
Graham Potter-a naute hi result duhawm loin a umzui hma hian league match li chhung chu a zawnin an tlawm lo hman a, vawi khat an draw tih loh chu an chak vek - an hneh te hi Leeds United, Tottenham Hotspur leh Liverpool an ni!
Inrinni zanah Brighton-in an thiamna an theihnghilh tawha ngaih kha an nei let leh ta a, first half hun pek belhah Trossard chuan goal hmahruai khungin second half-ah Welbeck leh Maupay-ten goal khat ve ve an khung ve leh bawk.
Magpies erawh an league match hnuhnung parukah an chak zo tawh lo a, vawi thum draw result neiin vawi thum an tlawm.
Newcastle coach Steve Bruce chuan, "Ka thiam loh vek a ni. Kan theihna ang tak kan hlat hle a, chu chuan rilru a tibuai hle. Football-ah hian hun ka hmang rei ve tawk tawh a, a harsa hle. Mahse, kan tal chhuak thei tih kan hria a, ka tlawm mai mai lo ang," tiin tlak an tum loh thu a sawi.