Goal khung tura piang Lewandowski
Goal veng thiam an awm a, ball sem thiam leh thunun thiam pawh an awm - Robert Lewandowski chu goal khung tur bika piang a ni. Bayern Munich striker hian VfB Stuttgart lakah hattrick siamin Bavarians hi 4-0 in hnehna a chanpui.
Inrinni zan Bundesliga inkhel dangah Erling Braut Haaland-a'n Borussia Dortmund tan goal hnih a khung a, mahse chak nan a tawk zo lo. An mikhualna ramah Cologne nen 2-2 a inhnehtawkin point khatah an lungawi a ṭul.
Lewy leh Goal
Allianz Arena a inkhelah Alphonso Davies chu minute 12-na lekah hnawhchhuah a ni, German champion hi chak tura rinkai ni mah se player an kim loh hma avangin Stuttgart tan point hlawh chhuah beiseina a sang hman.
Mahse, Bundesliga hmahruaitu hi dan theih an ni chuang lo - chawlhlawk hmain goal li an khung hman tho! Serge Gnabry-a siamsak chu chep tak kar aṭangin Lewandowski-a'n a khung ṭan, awmna tur hmunah tak a awm bakah striker dik tak a nihna a lang.
Thomas Muller leh Leroy Sane ten mawi taka an inpek kual hnuah Gnabry-a'n a hmawr a bawk a, a hnu lawkah Poland international Lewy-a'n Muller-a cross a tauh lut zui leh ngal zat bawk - Davis an hnawtchhuak tih a hriat loh.
Season kal laia a goal 42 nan Lewandowski-a'n a khung belh a, Bayern goal lina luh theih nan Sane leh Muller ten an thawh hlawk; an kawng sialah striker ṭha mi a inlar leh a ni - Hansi Flick nauten nuamsa takin point thum an hmu.
Record a hnai
Lewandowski-a'n tun season Bundesliga match 25 a khelh aṭangin goal 35 a khung tling ta. German football inelna sang berah hian 1971/72 season khan Gerd Muller chuan goal 40 a lo khung tawh a, tun thlengin khum thei an la awm ngai lo.
Bayern striker Lewy hian record khum turin goal ruk a la mamawh, league match riat ngawt khelh hmabak an la neih avangin Muller-a record hi a khum a nih pawhin a mak lo ang; kum 32 mi ni tawh mah se khelmual chhungah chuan a vanglai hun a hmang mek.
Lewandowski chuan, "Red card hnuah kan khel ṭha zawk, a tir lamah bul ṭan fuh lo mah ila kan player pakhat hnawhchhuah a nih chiah khan min beng harh. Goal khung reng mai hi ka duh, chutih rualin Muller-a record erawh ka ngaihtuah ber a ni lo," a ti.
Tun hnai season ruk chhung zet chu Lewy hian inelna hrang hrangah goal 40 a khung tling ziah, kuminah pawh league bakah Champions League khelh hmabak an la nei - 'Lewandowski leh Goal' kan hmuh belh zel a rinawm.
Inrinni zan Bundesliga inkhel dangah Erling Braut Haaland-a'n Borussia Dortmund tan goal hnih a khung a, mahse chak nan a tawk zo lo. An mikhualna ramah Cologne nen 2-2 a inhnehtawkin point khatah an lungawi a ṭul.
Lewy leh Goal
Allianz Arena a inkhelah Alphonso Davies chu minute 12-na lekah hnawhchhuah a ni, German champion hi chak tura rinkai ni mah se player an kim loh hma avangin Stuttgart tan point hlawh chhuah beiseina a sang hman.
Mahse, Bundesliga hmahruaitu hi dan theih an ni chuang lo - chawlhlawk hmain goal li an khung hman tho! Serge Gnabry-a siamsak chu chep tak kar aṭangin Lewandowski-a'n a khung ṭan, awmna tur hmunah tak a awm bakah striker dik tak a nihna a lang.
Thomas Muller leh Leroy Sane ten mawi taka an inpek kual hnuah Gnabry-a'n a hmawr a bawk a, a hnu lawkah Poland international Lewy-a'n Muller-a cross a tauh lut zui leh ngal zat bawk - Davis an hnawtchhuak tih a hriat loh.
Season kal laia a goal 42 nan Lewandowski-a'n a khung belh a, Bayern goal lina luh theih nan Sane leh Muller ten an thawh hlawk; an kawng sialah striker ṭha mi a inlar leh a ni - Hansi Flick nauten nuamsa takin point thum an hmu.
Record a hnai
Lewandowski-a'n tun season Bundesliga match 25 a khelh aṭangin goal 35 a khung tling ta. German football inelna sang berah hian 1971/72 season khan Gerd Muller chuan goal 40 a lo khung tawh a, tun thlengin khum thei an la awm ngai lo.
Bayern striker Lewy hian record khum turin goal ruk a la mamawh, league match riat ngawt khelh hmabak an la neih avangin Muller-a record hi a khum a nih pawhin a mak lo ang; kum 32 mi ni tawh mah se khelmual chhungah chuan a vanglai hun a hmang mek.
Lewandowski chuan, "Red card hnuah kan khel ṭha zawk, a tir lamah bul ṭan fuh lo mah ila kan player pakhat hnawhchhuah a nih chiah khan min beng harh. Goal khung reng mai hi ka duh, chutih rualin Muller-a record erawh ka ngaihtuah ber a ni lo," a ti.
Tun hnai season ruk chhung zet chu Lewy hian inelna hrang hrangah goal 40 a khung tling ziah, kuminah pawh league bakah Champions League khelh hmabak an la nei - 'Lewandowski leh Goal' kan hmuh belh zel a rinawm.