Thiem-a'n Federer a khum

Mipa tennis thuneitu sang Association of Tennis Professionals (ATP) chuan world ranking thar a ti chhuak a, world number 1 hlui Roger Federer chu palinaah tla hniamin Dominic Thiem chu pathumnaah a kaisang thung.

Austrian tlangval Thiem tan pathumna nih hi a tawn san lai ber a ni. Tun hnai thla 12 chhungin Thiem hi player khel ṭha berte zinga mi a ni, season hmasa khan French Open final a lut a, kuminah pawh Australian Open final a thleng leh bawk - Grand Slam nomawi erawh a la chawi chiah lo.

Ranking chhuak tharah hian Novak Djokovic chu a chung berah a awm chhunzawm, Serbian tlangval hian Melbourne khawpuia hlawhtlinna a chan hnuah Dubai Championship title a la leh tawh. Grand Slam vawi 19 champion tawh Rafael Nadal chu pahnihna a ni zel. Spanish star hian kar hmasa khan Mexican Open nomawi chu a vawi thum nan a chawi, ranking sang pahnihte inthlauhna hi point 370 chauh a ni.

ATP Ranking Thar

#    Player    Ram    Points

1    Novek Djokovic    SER    10,220

2    Rafael Nadal    ESP    9,850

3    Dominic Thiem    AUS    7,045

4    Roger Federer     SWI    6,630

5    Danil Medvedev    RUS    5,890

6    Stefanos Tsitsipas    GRE    4,745

7    Alexander Zvaerv    GER    3,630

8    Matteo Berrettini    ITA    2,860

9    Gael Monfils    FRA    2,860

10    David Goffin    BEL    2,555