Mbappe-a'n goal 100 a khung ta
France rama football inelna sang berah Kylian Mbappe chuan goal 100 a khung tling ta, kum 22 mi chauh a la nih avangin hetiang mellung pawimawh phun thei naupang ber dinhmun a chelh nghal bawk.
Pathianni zan French Ligue 1 inkhelah Mbappe hian goal hnih khungin Paris St-Germain chu Lyon lakah 4-2 in hnehna a chanpui. Inkhel dangah Lille chu Nimes lakah 2-1 a an tlawm avangin PSG hi table chung berah an inhlangkai nghal.
Lyon muala inkhelah Mbappe bakah Danilo Pereira leh Angel di Maria ten goal an khung bawk a, hun tawp dawn lamah hliam dam hlim Neymar a inlan bawk. Brazilian forward hian goal khung lo mah se a inlan thei hi club tan lawmna tur a ni.
Mualneitu lamin goal li an chhuah hnuah Islam Slimani leh Maxwel Cornet te hmangin an chhanglet a, beiseina insiam thar leh mah se hunin a daih tawh lo. An tan league title lak beiseina a tlahniam nghal bawk.
PSG manager Mauricio Pochettino chuan, "Table chung bera awm theih hi a pawimawh hle, tunah hian league bakah inlena lian dang pahnihah kan la dam, chanchin ṭha tak a ni. Tun ṭuma ṭha taka kan khelh ang hian kan khelh chhunzawm pawh ka beisei," a ti.
League goal 100 khungtu Mbappe chuan, "Kar hmasa khan record chelhtu Randal Kolo Muani ka phak lohna kha goal hnih a ni tih ka hria, chumi zat chiah tun ṭuma ka khung thei hi ka lawm. Ka zin kawnga hun pawimawh tak a ni," tiin a sawi.
Pathianni zan French Ligue 1 inkhelah Mbappe hian goal hnih khungin Paris St-Germain chu Lyon lakah 4-2 in hnehna a chanpui. Inkhel dangah Lille chu Nimes lakah 2-1 a an tlawm avangin PSG hi table chung berah an inhlangkai nghal.
Lyon muala inkhelah Mbappe bakah Danilo Pereira leh Angel di Maria ten goal an khung bawk a, hun tawp dawn lamah hliam dam hlim Neymar a inlan bawk. Brazilian forward hian goal khung lo mah se a inlan thei hi club tan lawmna tur a ni.
Mualneitu lamin goal li an chhuah hnuah Islam Slimani leh Maxwel Cornet te hmangin an chhanglet a, beiseina insiam thar leh mah se hunin a daih tawh lo. An tan league title lak beiseina a tlahniam nghal bawk.
PSG manager Mauricio Pochettino chuan, "Table chung bera awm theih hi a pawimawh hle, tunah hian league bakah inlena lian dang pahnihah kan la dam, chanchin ṭha tak a ni. Tun ṭuma ṭha taka kan khelh ang hian kan khelh chhunzawm pawh ka beisei," a ti.
League goal 100 khungtu Mbappe chuan, "Kar hmasa khan record chelhtu Randal Kolo Muani ka phak lohna kha goal hnih a ni tih ka hria, chumi zat chiah tun ṭuma ka khung thei hi ka lawm. Ka zin kawnga hun pawimawh tak a ni," tiin a sawi.