Suarez-a'n goal 500-a khung tling ta
Khawvela striker hming ropui lam a nih apiangin Luis Suarez hming lam tel a ni ve zel tawh ang - kum 34 mi striker hian a career-a a goal 500-na chu Pathianni zan khan a khung a, Atletico Madrid chu Alaves lakah 1-0 in hnehna a chanpui.
Atletico Madrid-in hnehna an chan avangin La Liga table chung ber an luah chhunzawm zel a, an hnuai chiaha awm Barcelona nen an inkarah point li chauh a awm thung.
Barcelona hian Atletico chak hnuah hnehna chang ve lehin Real Sociedad chu 6-1 in an sawp a, Inrinni zan inkhelah Real Madrid an chak bawk avangin La Liga nomawi inchuh boruak a sang zel.
Real hian khelh zat inangah Atletico hi point ruk chauhin an thlau ve bawk - Barcelona-in Real Madrid leh Atletico Madrid an la hmachhawn ve ve dawn avangin champion tur sawi lawk a harsa lehzual sawt.
Suarez 500 - Not Out!
Atletico Madrid-in tun hnaiah result an nei ṭha thei lo - Champions League last 16 aṭangin Chelsea-in an pet chhuak a, an league match hnuhnung pathum aṭangin point hnih chiah an hlawh chhuak bawk.
Alaves lakah pawh Atletico-in ball chang tam mah se goal khung turin second half an nghah thlen a ngai a, minute 54-naah Kieran Trippier-a siamsak chu Suarez-a'n a tauh lut.
Uruguayan striker-in a career-a goal 500-a khung tlinna chiah a ni a, tun season bikah goal 19-a khungna chiah a ni bawk.
Alaves-in Atletico lakah point hlawhchhuahna remchang an nei a, Stefan Savic chuan Alaves winger Luis Rioja laka a foul avangin penalty a chawi - mahse, Joselu-a pet chu Jan Oblak-a'n a dansak.
Tun season & Suarez
Ronald Koeman-a'n a mamawh loh avanga Barcelona a chhuahsan theih thu a hrilh hnuah Suarez-a'n Spain-a cham a thlang a, Catalan club tan a che vel a hmuhnawm loh ang.
Suarez-a'n tun season-a goal 19-a khung La Liga lama a khung vek a ni a, assist pahnih a nei tel bawk - Champions League lamah khung a nei lo thung.
Uruguayan striker hian La Liga (2020-21) khelh mekah Lionel Messi (23 goals) chiah chu goal khung lama a phak loh awmchhun a ni a, amah hnaih bertu chu Real Madrid chhuanvawr Karim Benzema (17) a ni.
Barcelona player zingah Lionel Messi tih loh chu La Liga-a Suarez-a goal khung ang zat khung an awm lo a, tlarhmaa Antoine Griezmann (8), Ousmane Dembélé (4) leh Martin Braithwaite (2)-ten league-a goal an khung zat hi uanpui tham a ni lo.
500 kalkawng
Football la khel mek player zingah goal 500 khung tling tawh hi Cristiano Ronaldo (788 goals), Lionel Messi (761), Zlatan Ibrahimovic (571), Robert Lewandowski (541)-te an awm a, an zingah Suarez-a hming nem kaiin a awm ve ta.
Suarez hian an ram club Nacional-ah a career ṭanin match 35-ah goal 12-a khungsak a, Dutch club Groningen (37 matches/15 goals), Ajax (159/111), Liverpool (133/82), Barcelona (283/198) leh Atlético Madrid (31/19)-ah te goal khung a ṭhulh lo.
Club tan hian match 678-ah goal 437-a khung a, Uruguay tan match 116-ah goal 63 a khung bawk - match 794-a khelh tawhah goal 500-a khung tihna a ni a, a nep lo hle.
Kum 34 mi striker hian season khata goal-a khung hnem ber chu 2015-16 season khan a hmang a, he season-ah hian match 53 khelin goal 59 zet a khung - La Liga-ah goal 40 khungin top scorer a ni a, tun hnai kum 10 chhunga Messi leh Ronaldo tih loha La Liga top scorer ni thei awmchhun a ni.
Simeone-a thukhawchang
Atletico boss Diego Simeone chuan Alaves laka an chak avangin Suarez leh Oblak a fak a, goal 500 khung tlingtu Uruguayan striker chauh uchuak taka fak a tum lo.
Argentine coach chuan, "Team ṭhaah chuan goal tam tak khungtu leh goal tam tak dangtu, leh chumi mila inelna hmachhawn ṭhin team an awm a ngai a ni," a ti a, goal khungtu Suarez leh penalty dangtu Oblak a fak.
Simeone chuan sawi zawmin, "Champions League aṭanga kan tla chungin ka naute thawhrim dan hi fak tlak a ni," a ti a, "Tumna, duhna leh inpekna hi hmuh turin a awm reng," a ti bawk.
Atletico hi Champions League bakah Copa del Rey aṭangin an tla tawh bawk a, kut ruak loa season khar an duh dawn a nih chuan La Liga-a hmasawn zel hi an tan a pawimawh ang.
Atletico Madrid-in hnehna an chan avangin La Liga table chung ber an luah chhunzawm zel a, an hnuai chiaha awm Barcelona nen an inkarah point li chauh a awm thung.
Barcelona hian Atletico chak hnuah hnehna chang ve lehin Real Sociedad chu 6-1 in an sawp a, Inrinni zan inkhelah Real Madrid an chak bawk avangin La Liga nomawi inchuh boruak a sang zel.
Real hian khelh zat inangah Atletico hi point ruk chauhin an thlau ve bawk - Barcelona-in Real Madrid leh Atletico Madrid an la hmachhawn ve ve dawn avangin champion tur sawi lawk a harsa lehzual sawt.
Suarez 500 - Not Out!
Atletico Madrid-in tun hnaiah result an nei ṭha thei lo - Champions League last 16 aṭangin Chelsea-in an pet chhuak a, an league match hnuhnung pathum aṭangin point hnih chiah an hlawh chhuak bawk.
Alaves lakah pawh Atletico-in ball chang tam mah se goal khung turin second half an nghah thlen a ngai a, minute 54-naah Kieran Trippier-a siamsak chu Suarez-a'n a tauh lut.
Uruguayan striker-in a career-a goal 500-a khung tlinna chiah a ni a, tun season bikah goal 19-a khungna chiah a ni bawk.
Alaves-in Atletico lakah point hlawhchhuahna remchang an nei a, Stefan Savic chuan Alaves winger Luis Rioja laka a foul avangin penalty a chawi - mahse, Joselu-a pet chu Jan Oblak-a'n a dansak.
Tun season & Suarez
Ronald Koeman-a'n a mamawh loh avanga Barcelona a chhuahsan theih thu a hrilh hnuah Suarez-a'n Spain-a cham a thlang a, Catalan club tan a che vel a hmuhnawm loh ang.
Suarez-a'n tun season-a goal 19-a khung La Liga lama a khung vek a ni a, assist pahnih a nei tel bawk - Champions League lamah khung a nei lo thung.
Uruguayan striker hian La Liga (2020-21) khelh mekah Lionel Messi (23 goals) chiah chu goal khung lama a phak loh awmchhun a ni a, amah hnaih bertu chu Real Madrid chhuanvawr Karim Benzema (17) a ni.
Barcelona player zingah Lionel Messi tih loh chu La Liga-a Suarez-a goal khung ang zat khung an awm lo a, tlarhmaa Antoine Griezmann (8), Ousmane Dembélé (4) leh Martin Braithwaite (2)-ten league-a goal an khung zat hi uanpui tham a ni lo.
500 kalkawng
Football la khel mek player zingah goal 500 khung tling tawh hi Cristiano Ronaldo (788 goals), Lionel Messi (761), Zlatan Ibrahimovic (571), Robert Lewandowski (541)-te an awm a, an zingah Suarez-a hming nem kaiin a awm ve ta.
Suarez hian an ram club Nacional-ah a career ṭanin match 35-ah goal 12-a khungsak a, Dutch club Groningen (37 matches/15 goals), Ajax (159/111), Liverpool (133/82), Barcelona (283/198) leh Atlético Madrid (31/19)-ah te goal khung a ṭhulh lo.
Club tan hian match 678-ah goal 437-a khung a, Uruguay tan match 116-ah goal 63 a khung bawk - match 794-a khelh tawhah goal 500-a khung tihna a ni a, a nep lo hle.
Kum 34 mi striker hian season khata goal-a khung hnem ber chu 2015-16 season khan a hmang a, he season-ah hian match 53 khelin goal 59 zet a khung - La Liga-ah goal 40 khungin top scorer a ni a, tun hnai kum 10 chhunga Messi leh Ronaldo tih loha La Liga top scorer ni thei awmchhun a ni.
Simeone-a thukhawchang
Atletico boss Diego Simeone chuan Alaves laka an chak avangin Suarez leh Oblak a fak a, goal 500 khung tlingtu Uruguayan striker chauh uchuak taka fak a tum lo.
Argentine coach chuan, "Team ṭhaah chuan goal tam tak khungtu leh goal tam tak dangtu, leh chumi mila inelna hmachhawn ṭhin team an awm a ngai a ni," a ti a, goal khungtu Suarez leh penalty dangtu Oblak a fak.
Simeone chuan sawi zawmin, "Champions League aṭanga kan tla chungin ka naute thawhrim dan hi fak tlak a ni," a ti a, "Tumna, duhna leh inpekna hi hmuh turin a awm reng," a ti bawk.
Atletico hi Champions League bakah Copa del Rey aṭangin an tla tawh bawk a, kut ruak loa season khar an duh dawn a nih chuan La Liga-a hmasawn zel hi an tan a pawimawh ang.