Chelsea khingpui tur City
FA Cup semifinal-ah Manchester City leh Chelsea an inhmachhawn dawn. Thomas Tuchel-a hote hian semifinal lu turin Pathianni zan khan Sheffield United 2-0 in an hneh a, Pep Guardiola hoten Inrinni zanah Everton 2-0 in an hneh bawk.
Stamford Bridge-a inkhelah ṭum dang angin Chelsea goal nawr na lo mah se Sheffield United hneh turin an ṭha tawk. Minute 24-naah Ben Chilwell-a'n box pawn aṭangin a pet a, Sheffield Wednesday midfielder Oliver Norwood-a'n an lamah a tlawh lut. Blues-in goal dang khung an harsat a, minute 92-naah Hakim Ziyech-a'n chak nemnghetna goal a khung.
Thomas Tuchel-a hnuaiah Chelsea-in match 14 an khel tawh a, hneh loh an la tawng lo a, vawi 10 an chak. London club hi Blades lakah an che ṭha lo a, vanduai ṭum ni se chak lo thei an ni.
Sheffield United forward David McGoldrick-a'n hnai tak aṭangin a tauh goal lo a, Oliver McBurnie goal khung tur pawh Blues keeper goalkeeper Kepa Arrizabalaga-a'n a dang bawk. Chutihrulain Blues midfielder Christian Pulisic-a'n chance ṭha a hlah ve tho bawk.
London club hian season liam ta khan Frank Lampard-a kaihhruaina hnuaiah FA Cup final an lut a, nomawi inchuhnaah Arsenal 2-1 in an hneh lo. Tun ṭumah erawh semifinal-ah Manchester City an hmachhawn dawn avangin final thlen a harsa ang.
Chelsea boss Thomas Tuchel chuan, "Match 14 kan khelh zawhah chuan kan chau tih phat rual a ni lo, vanneihthlak takin goal kan chhuah lo hlauh. Amaherawhchu kan tum ber chu semifinal thlen a ni a, kan ti hlawhtling," tiin a sawi.
German manager Tuchel hnuaiah Chelsea-in match 14 aṭangin clean sheet vawi 12 an nei a, goal hnih chiah an la chhuah. Blues hian FA Cup semifinal a thlen bakah Champions League quarterfinal an lut tawh a, Premier League-ah palinaah an awm bawk avangin Tuchel hnuaiah nasa takin hma an sawn a tih theih a ni.
Stamford Bridge-a inkhelah ṭum dang angin Chelsea goal nawr na lo mah se Sheffield United hneh turin an ṭha tawk. Minute 24-naah Ben Chilwell-a'n box pawn aṭangin a pet a, Sheffield Wednesday midfielder Oliver Norwood-a'n an lamah a tlawh lut. Blues-in goal dang khung an harsat a, minute 92-naah Hakim Ziyech-a'n chak nemnghetna goal a khung.
Thomas Tuchel-a hnuaiah Chelsea-in match 14 an khel tawh a, hneh loh an la tawng lo a, vawi 10 an chak. London club hi Blades lakah an che ṭha lo a, vanduai ṭum ni se chak lo thei an ni.
Sheffield United forward David McGoldrick-a'n hnai tak aṭangin a tauh goal lo a, Oliver McBurnie goal khung tur pawh Blues keeper goalkeeper Kepa Arrizabalaga-a'n a dang bawk. Chutihrulain Blues midfielder Christian Pulisic-a'n chance ṭha a hlah ve tho bawk.
London club hian season liam ta khan Frank Lampard-a kaihhruaina hnuaiah FA Cup final an lut a, nomawi inchuhnaah Arsenal 2-1 in an hneh lo. Tun ṭumah erawh semifinal-ah Manchester City an hmachhawn dawn avangin final thlen a harsa ang.
Chelsea boss Thomas Tuchel chuan, "Match 14 kan khelh zawhah chuan kan chau tih phat rual a ni lo, vanneihthlak takin goal kan chhuah lo hlauh. Amaherawhchu kan tum ber chu semifinal thlen a ni a, kan ti hlawhtling," tiin a sawi.
German manager Tuchel hnuaiah Chelsea-in match 14 aṭangin clean sheet vawi 12 an nei a, goal hnih chiah an la chhuah. Blues hian FA Cup semifinal a thlen bakah Champions League quarterfinal an lut tawh a, Premier League-ah palinaah an awm bawk avangin Tuchel hnuaiah nasa takin hma an sawn a tih theih a ni.