Manchester United an tla
Ole Gunnar Solskjaer hnuaiah Manchester United-in nomawi beiseina nei ve bawk ṭhin mah se a tawp a thleng zo ṭhin lo. Season liam ta khan Europa Cup, FA Cup leh League Cup inelnaah semifinal-ah an tla vek.
Tun season-ah pawh chanchin danglam vak a awm lo, League Cup semifinal-a an tlak hnuin Pathianni zan khan FA Cup quarterfinal-ah Leicester City-in 3-1 in an hneh.
King Power Stadium-a inkhelah Brendan Rodgers-a hoten chak an phu a, Kelechi Iheanacho-a'n goal hnih a khung bakah Youri Tielemans-a'n goal khat a khung ve bawk. Foxes-in kum 39 hnua a vawi khat nan FA Cup semifinal an lut a, Southampton an hmachhawn dawn avangin final beiseina an nei sang khawp ang.
Bruno a tel lo
Solskjaer-a'n Italian club lian AC Milan an hneh avangin a player-te chungah rinna a nghat ngam lehzual a, a player pawimawh ber Bruno Fernandes leh defender khel ṭha Luke Shaw te chu bench-ah a ṭhuttir a, David de Gea aiah Dean Henderson a ring chhunzawm.
Norwegian manager hian Bruno aiah Donny Van de Beek-a'n bul a ṭan tir a, Dutch midfielder leh defence thlunzawm turin Nemanja Matic leh Fred te an awm. Paul Pogba-a'n vei lamah bul a ṭan a, goal nawr turin Anthony Martial leh Mason Greenwood te an awm bawk.
Leicester City-in hliam vangin James Maddison, Harvey Barnes leh James Justin te an chhawr thei lo. Amaherawhchu tun hnaia che ṭha em em Iheanacho chu Jamie Vardy nen tlarhmaah an inkawp a, United hneh nan Man City duh loh hnu Nigerian striker hi a tawk.
Iheanacho 'zawk'
Tun hnaia Leicester City goal khungtu ber chu Vardy ni loin kum 24 mi Iheanacho a ni a, Nigerian striker hian vanneihna a keng tel. Foxes-in United defender te an veng vek chungin mikhual team-in tlarhnungah ball an in pass lui a, keeper Henderson-a'n Fred hnenah ball pein Brazilian midfielder hian keeper hi pek let tum mah se Iheanacho tan through ball duhthusam a ni a, Foxes striker hian minute 24-naah awlsam takin a khung.
United-in beiseina turin minute 38-naah Greenwood hmangin siphurh an sut a, goal tura ball an inpe kual a hmuhnawm hle. Pogba-a'n amah vengtu a vir khum hnuah a cross ball chu Van De Beek-a'n a kap karah a luhtir a (dummy), Greenwood-a'n cool takin a khung. First half-ah 1-1 a ni a, second half-ah football hmuhnawm zawk a la beisei theih.
Inkhel chawhnu lamah Leicester City bawk an hmuhnawm a, United defensive midfielder pahnih Matic leh Fred ten an tihtur an ti tawk lo. Minute 52-naah Youri Tielemans-a'n wall pass hmanga United midfield a paltlang hnuah box pawn chiah aṭangin goal kilah a pet lut a, keeper Henderson dem theih a ni lo.
Solskjaer-a'n chak tumin Fernandes, Edison Cavani, Luke Shaw leh Scott McTominay te a rualin a luhtir ṭhawt a, danglamna an thlen thei lo. Set piece-ah Man United an mualpho leh a, minute 78-naah Marc Albrighton-a freekick chu vengtu nei lo Iheanacho-a'n chiang zetin a tauh lut a, Tominay chu mawhphurtuah a ngaih theih.
Iheanacho-a'n match hnuhnung pakuaah goal kua a khung a, Wembley Stadium-ah Leicester City a hruai thleng. Man United-in rawlthar duhawm Amad Diallo te luhtir ve bawk mah se Foxes tlarhnung a ti buai pha lo a, chutihrualin Bruno freekick ṭha zet erawh keeper Kasper Schmeichel-a'n a dansak thung.
Rodgers a lawm
Leicester City manager Rodgers chuan, "Europe team ṭha zinga mi lakah game ṭha tak kan khel thei a, chak kan phu hlein ka hria. Ka player-te bulah history siam turin match thum chak chiah kan mamawh ka ti a, tunah chuan match hnih chiah kan mamawh tawh," tiin champion an tum thu a sawi.
Foxes hi Big Six-ah chhiar tel ni lo FA Cup-ah chauh ni loin league lamah pawh an che ṭha hle. Season liam ta khan hun rei zawk a sang pali zingah an awm a, season tawpah an chesual.
Brendan Rodgers-a hote hian tawnhriat an nei ṭha zel a, tun season league-ah pathumnaah awmin pahnihna Manchester United point khat chauhin an la pha lo. May 11 zan khian Old Trafford-ah Foxes leh United hi an inkhel leh dawn a, Champions League khel tur zawnna pawimawh tak a ni thei ang.
Nomawi duh United
Manchester United-in Premier League-ah an hmelma Manchester City an umphak theih a rinawm tawh lo a, FA Cup beiseina a tawp zui avangin Europa League chiah nomawi beiseina an nei tawh.
Solskjaer chuan, "Anthony Martial, Donny van de Beek, Paul Pogba leh player ṭhenkhat khan tun hnaiah match an ngah tawk lo a, Milan kan hmachhawn zawh chiah bawk avangin team ṭha tak hmachhawn lehnghal turin kan squad a chhah tawk lo a ni. Chutihrualin hnehna kan chanin kan vai thawhrah a ni a, kan chak lo a nih pawhin kan vaiin mawh kan phur ang. Europa League leh Premier League-ah kan rilru zawng zawng kan pe thei ang," tiin a sawi.
United hian Solskajer hnuaiah nomawi an la chawi lo a, Norwegian manager chuan, "Manchester United manager-in a tih tur chu nomawi chawi a ni," tiin nomawi chawi ngei tura ṭanlak a mamawh thu a sawi tel bawk.
Tun season-ah pawh chanchin danglam vak a awm lo, League Cup semifinal-a an tlak hnuin Pathianni zan khan FA Cup quarterfinal-ah Leicester City-in 3-1 in an hneh.
King Power Stadium-a inkhelah Brendan Rodgers-a hoten chak an phu a, Kelechi Iheanacho-a'n goal hnih a khung bakah Youri Tielemans-a'n goal khat a khung ve bawk. Foxes-in kum 39 hnua a vawi khat nan FA Cup semifinal an lut a, Southampton an hmachhawn dawn avangin final beiseina an nei sang khawp ang.
Bruno a tel lo
Solskjaer-a'n Italian club lian AC Milan an hneh avangin a player-te chungah rinna a nghat ngam lehzual a, a player pawimawh ber Bruno Fernandes leh defender khel ṭha Luke Shaw te chu bench-ah a ṭhuttir a, David de Gea aiah Dean Henderson a ring chhunzawm.
Norwegian manager hian Bruno aiah Donny Van de Beek-a'n bul a ṭan tir a, Dutch midfielder leh defence thlunzawm turin Nemanja Matic leh Fred te an awm. Paul Pogba-a'n vei lamah bul a ṭan a, goal nawr turin Anthony Martial leh Mason Greenwood te an awm bawk.
Leicester City-in hliam vangin James Maddison, Harvey Barnes leh James Justin te an chhawr thei lo. Amaherawhchu tun hnaia che ṭha em em Iheanacho chu Jamie Vardy nen tlarhmaah an inkawp a, United hneh nan Man City duh loh hnu Nigerian striker hi a tawk.
Iheanacho 'zawk'
Tun hnaia Leicester City goal khungtu ber chu Vardy ni loin kum 24 mi Iheanacho a ni a, Nigerian striker hian vanneihna a keng tel. Foxes-in United defender te an veng vek chungin mikhual team-in tlarhnungah ball an in pass lui a, keeper Henderson-a'n Fred hnenah ball pein Brazilian midfielder hian keeper hi pek let tum mah se Iheanacho tan through ball duhthusam a ni a, Foxes striker hian minute 24-naah awlsam takin a khung.
United-in beiseina turin minute 38-naah Greenwood hmangin siphurh an sut a, goal tura ball an inpe kual a hmuhnawm hle. Pogba-a'n amah vengtu a vir khum hnuah a cross ball chu Van De Beek-a'n a kap karah a luhtir a (dummy), Greenwood-a'n cool takin a khung. First half-ah 1-1 a ni a, second half-ah football hmuhnawm zawk a la beisei theih.
Inkhel chawhnu lamah Leicester City bawk an hmuhnawm a, United defensive midfielder pahnih Matic leh Fred ten an tihtur an ti tawk lo. Minute 52-naah Youri Tielemans-a'n wall pass hmanga United midfield a paltlang hnuah box pawn chiah aṭangin goal kilah a pet lut a, keeper Henderson dem theih a ni lo.
Solskjaer-a'n chak tumin Fernandes, Edison Cavani, Luke Shaw leh Scott McTominay te a rualin a luhtir ṭhawt a, danglamna an thlen thei lo. Set piece-ah Man United an mualpho leh a, minute 78-naah Marc Albrighton-a freekick chu vengtu nei lo Iheanacho-a'n chiang zetin a tauh lut a, Tominay chu mawhphurtuah a ngaih theih.
Iheanacho-a'n match hnuhnung pakuaah goal kua a khung a, Wembley Stadium-ah Leicester City a hruai thleng. Man United-in rawlthar duhawm Amad Diallo te luhtir ve bawk mah se Foxes tlarhnung a ti buai pha lo a, chutihrualin Bruno freekick ṭha zet erawh keeper Kasper Schmeichel-a'n a dansak thung.
Rodgers a lawm
Leicester City manager Rodgers chuan, "Europe team ṭha zinga mi lakah game ṭha tak kan khel thei a, chak kan phu hlein ka hria. Ka player-te bulah history siam turin match thum chak chiah kan mamawh ka ti a, tunah chuan match hnih chiah kan mamawh tawh," tiin champion an tum thu a sawi.
Foxes hi Big Six-ah chhiar tel ni lo FA Cup-ah chauh ni loin league lamah pawh an che ṭha hle. Season liam ta khan hun rei zawk a sang pali zingah an awm a, season tawpah an chesual.
Brendan Rodgers-a hote hian tawnhriat an nei ṭha zel a, tun season league-ah pathumnaah awmin pahnihna Manchester United point khat chauhin an la pha lo. May 11 zan khian Old Trafford-ah Foxes leh United hi an inkhel leh dawn a, Champions League khel tur zawnna pawimawh tak a ni thei ang.
Nomawi duh United
Manchester United-in Premier League-ah an hmelma Manchester City an umphak theih a rinawm tawh lo a, FA Cup beiseina a tawp zui avangin Europa League chiah nomawi beiseina an nei tawh.
Solskjaer chuan, "Anthony Martial, Donny van de Beek, Paul Pogba leh player ṭhenkhat khan tun hnaiah match an ngah tawk lo a, Milan kan hmachhawn zawh chiah bawk avangin team ṭha tak hmachhawn lehnghal turin kan squad a chhah tawk lo a ni. Chutihrualin hnehna kan chanin kan vai thawhrah a ni a, kan chak lo a nih pawhin kan vaiin mawh kan phur ang. Europa League leh Premier League-ah kan rilru zawng zawng kan pe thei ang," tiin a sawi.
United hian Solskajer hnuaiah nomawi an la chawi lo a, Norwegian manager chuan, "Manchester United manager-in a tih tur chu nomawi chawi a ni," tiin nomawi chawi ngei tura ṭanlak a mamawh thu a sawi tel bawk.