Juventus an tlawm
A zawna Serie A title vawi 10 lak chu Juventus tan thil harsa a ni tawh dawn. Old Lady hi table hnuai lama awm Benevento lakah 1-0 in an tlawm a, hmahruaitu Inter Milan nen an inkarah point 10 zet a awm ta.
Pathianni zan Allianz Arena a inkhel ṭan hmain Cristiano Ronaldo an chawimawi. Serie A Player of the Year hi goal 770 a khung tlin lawmpuina jersey a bik taka siam chu Juve president Andrea Agnelli-a'n a hlan.
Mahse, inkhel ṭan hnuah Ronaldo-a'n goal a khung chhunzawm lo a, a zawna match 11 chak ni hmel hmu tawh lo Benevento tan Adolfo Gaich-a'n goal awmchhun khungin Turin khawpuiah a team a chakpui.
Juve manager Andrea Pirlo chuan, "Chhuanlam siam tur kan nei lo, kawng engkimah kan khel chhia a ni. Hetianga khel tur hi chu kan ni lo, league title kan la hum thei a ni tih rilru a nei chungin kan khel zawk tur a ni," a ti.
Inkhel dangah AC Milan chuan Zlatan Ibrahimovic, Brahim Diaz leh Hakan Calhanoglu te goal khat ṭheuh hmangin Fiorentina 3-2 in an hneh. Milan hian point 59 hmuin pahnihna dinhmun an luah a, pathumna Juve aiin match khatin an khel hnem thung.
Inter Milan erawh Sassuolo nen an inhmachhawn tur chu hrileng a hluar leh tak avangin a hun sawnsak an ni.
Pathianni zan Allianz Arena a inkhel ṭan hmain Cristiano Ronaldo an chawimawi. Serie A Player of the Year hi goal 770 a khung tlin lawmpuina jersey a bik taka siam chu Juve president Andrea Agnelli-a'n a hlan.
Mahse, inkhel ṭan hnuah Ronaldo-a'n goal a khung chhunzawm lo a, a zawna match 11 chak ni hmel hmu tawh lo Benevento tan Adolfo Gaich-a'n goal awmchhun khungin Turin khawpuiah a team a chakpui.
Juve manager Andrea Pirlo chuan, "Chhuanlam siam tur kan nei lo, kawng engkimah kan khel chhia a ni. Hetianga khel tur hi chu kan ni lo, league title kan la hum thei a ni tih rilru a nei chungin kan khel zawk tur a ni," a ti.
Inkhel dangah AC Milan chuan Zlatan Ibrahimovic, Brahim Diaz leh Hakan Calhanoglu te goal khat ṭheuh hmangin Fiorentina 3-2 in an hneh. Milan hian point 59 hmuin pahnihna dinhmun an luah a, pathumna Juve aiin match khatin an khel hnem thung.
Inter Milan erawh Sassuolo nen an inhmachhawn tur chu hrileng a hluar leh tak avangin a hun sawnsak an ni.