Arsenal leh West Ham inhnehtawk
Goal thum an chhuah hnuah huaisen takin Arsenal an ṭang let a, mahse chakna goal erawh an khung thei bik lo. Mikel Arteta naute hi an mikhualna ramah West Ham nen 3-3 in an inhnehtawk, a sang pali zinga tel beiseina a tlem ta hle.
Pathianni zan Premier League inkhel dangah Tottenham Hotspur chuan 2-0 in Aston Villa an luhchhuah. Jose Mourinho naute hi table-ah paruknaah an inhlangkai, a sang pali zinga tel an beiseina an chhawm nung.
Goal mawlh mawlh
London Stadium-a inkhelah Arsenal an talbuai, hun chanve hmain goal thum an chhuah hman. Michail Antonio ball pek dawngtu Jesse Lingard-a'n hlap nuam tawk chiahin ball a la, laklawh nei miah loin minute 15-naah a khung.
Gunners an insiamrem hman lo, Hammers lamin an freekick hmuh chu Lingard-a'n a pet thut - Jarrod Bowen chuan lo la fuhin keeper Bernd Leno kapkarah a khung; Antonio tauh chu Tomas Soucek-a'n lo tawk lutin minute 32 lekah goal thum an nei fel der.
Chawlhlawk hma deuhin Alexandre Lacazette-a shot chu Soucek-a'n anmahni lamah a ti lut a, second half-ah Calum Chambers-a cross pawh Dawson chuan an mahni lamah a ti lut leh bawk.
Pierre-Emerick Aubameyang leh Bukayo Saka la chhuakin Nicolas Pepe leh Gabriel Martinelli dah luh an ni a, goal neih belh an tum hle. Pepe-a cross Lacazette-a'n tauh lutin si phurh sut zo, forward Pepe hian a hun ṭha neih hnuhnung erawh a chhawr ṭangkai thei lo.
An lawm
Team pahnihin goal thum ve ve an khung a, chakna goal khung theihna remchang pawh an hmu ve ve. A tawpah erawh point khatah an lungawi a ṭul, manager pahnih chuan an dinhmuna an lawm thu an sawi.
Arsenal manager Arteta chuan, "Goal ruk vel khung theihna remchang kan insiam, mahse kan vanneih ni a ni si lo. A tir lamah tihsual kan ngah kha kan tuar, insiamṭhatna tur lai tam mah se kan beih let danah erawh ka lawm," tiin a naute a sawisel duh lo.
West Ham manager David Moyes chuan, "Point khat hlu tak a ni, point hnih dang pawh hmuh belh thei ni mah ila kan hloh miau si. Team ṭha tak kan hmachhawn a, a chang chuan mite hian tute nge kan tum tih ngaihtuah loin kan result chauh an sawi ṭhin," a ti.
Hammers hian league match 29 aṭangin point 49 zet an hmu tawh a, pangana an ni mek. Arsenal erawh point 42 chauh la neiin pakuanaah an awm thung; London club dang nena khaikhin chuan Moyes-a'n a naute a kaihhruai dan hi fak tlak a ni.
Spurs an chak
Europa League aṭanga an tlak hnuah Mourinho-a'n a naute a sawisel a, league match an khelh lehna hmasa berah erawh goal chhuah loin an mamawh zat goal an khung thung - Portuguese manager pawh a nui ve leh thei ta.
Spurs hian Carlos Vinicius-a goal hmahruai khung bakah Harry Kane penalty chhuih luh hmangin hnehna an chang. North London club hi palina a awm Chelsea aia an hniamna chu point thum chauh a ni ta.
Mourinho chuan, "Hnehna kan chan avangin ka lawm takzet, ka nauten an khel ṭha. Chutih rualin chak loh hnu lawkah ṭang deuha match khelh a ngai ṭhin hi chu a pawi," tiin Europe League aṭanga an tla chu pawi a la ti hle.
Tottenham manager chuan sawi zawmin, "Kum 20 chuang football team enkawl lam hna hi ka luhchilh tawh, player hrang hrang ka enkawl tawh bawk. Tuna ka naute hian chona hautak hmachhawn turin huaisenna an nei, an neih reng pawh ka duh," a ti.
Pathianni zan Premier League inkhel dangah Tottenham Hotspur chuan 2-0 in Aston Villa an luhchhuah. Jose Mourinho naute hi table-ah paruknaah an inhlangkai, a sang pali zinga tel an beiseina an chhawm nung.
Goal mawlh mawlh
London Stadium-a inkhelah Arsenal an talbuai, hun chanve hmain goal thum an chhuah hman. Michail Antonio ball pek dawngtu Jesse Lingard-a'n hlap nuam tawk chiahin ball a la, laklawh nei miah loin minute 15-naah a khung.
Gunners an insiamrem hman lo, Hammers lamin an freekick hmuh chu Lingard-a'n a pet thut - Jarrod Bowen chuan lo la fuhin keeper Bernd Leno kapkarah a khung; Antonio tauh chu Tomas Soucek-a'n lo tawk lutin minute 32 lekah goal thum an nei fel der.
Chawlhlawk hma deuhin Alexandre Lacazette-a shot chu Soucek-a'n anmahni lamah a ti lut a, second half-ah Calum Chambers-a cross pawh Dawson chuan an mahni lamah a ti lut leh bawk.
Pierre-Emerick Aubameyang leh Bukayo Saka la chhuakin Nicolas Pepe leh Gabriel Martinelli dah luh an ni a, goal neih belh an tum hle. Pepe-a cross Lacazette-a'n tauh lutin si phurh sut zo, forward Pepe hian a hun ṭha neih hnuhnung erawh a chhawr ṭangkai thei lo.
An lawm
Team pahnihin goal thum ve ve an khung a, chakna goal khung theihna remchang pawh an hmu ve ve. A tawpah erawh point khatah an lungawi a ṭul, manager pahnih chuan an dinhmuna an lawm thu an sawi.
Arsenal manager Arteta chuan, "Goal ruk vel khung theihna remchang kan insiam, mahse kan vanneih ni a ni si lo. A tir lamah tihsual kan ngah kha kan tuar, insiamṭhatna tur lai tam mah se kan beih let danah erawh ka lawm," tiin a naute a sawisel duh lo.
West Ham manager David Moyes chuan, "Point khat hlu tak a ni, point hnih dang pawh hmuh belh thei ni mah ila kan hloh miau si. Team ṭha tak kan hmachhawn a, a chang chuan mite hian tute nge kan tum tih ngaihtuah loin kan result chauh an sawi ṭhin," a ti.
Hammers hian league match 29 aṭangin point 49 zet an hmu tawh a, pangana an ni mek. Arsenal erawh point 42 chauh la neiin pakuanaah an awm thung; London club dang nena khaikhin chuan Moyes-a'n a naute a kaihhruai dan hi fak tlak a ni.
Spurs an chak
Europa League aṭanga an tlak hnuah Mourinho-a'n a naute a sawisel a, league match an khelh lehna hmasa berah erawh goal chhuah loin an mamawh zat goal an khung thung - Portuguese manager pawh a nui ve leh thei ta.
Spurs hian Carlos Vinicius-a goal hmahruai khung bakah Harry Kane penalty chhuih luh hmangin hnehna an chang. North London club hi palina a awm Chelsea aia an hniamna chu point thum chauh a ni ta.
Mourinho chuan, "Hnehna kan chan avangin ka lawm takzet, ka nauten an khel ṭha. Chutih rualin chak loh hnu lawkah ṭang deuha match khelh a ngai ṭhin hi chu a pawi," tiin Europe League aṭanga an tla chu pawi a la ti hle.
Tottenham manager chuan sawi zawmin, "Kum 20 chuang football team enkawl lam hna hi ka luhchilh tawh, player hrang hrang ka enkawl tawh bawk. Tuna ka naute hian chona hautak hmachhawn turin huaisenna an nei, an neih reng pawh ka duh," a ti.