Wilder hmaah Breazeale a zawr

Deontay Wilder chuan Pathianni zing khan chiang zetin round khatna lekah Dominic Breazeale a knockout a, WBC world heavyweight title a kawl lai chu a humhim leh ta. Wilder-a'n hnehna a chan leh tak avangin a vawi kua nan a kawnghren kawl lai a humhim leh ta tihna a ni a, vawi 42 inhnek a hmachhawna vawi 41 a chakna a ni - heng zingah hian vawi 40 chu a khingpui a knockout a, vawi khat a inhnehtawkpui. American fighter-in a inhnehtawkpui awmchhun Tyson Fury hming a ri ring a, Anthony Joshua sawi rik a ni ve reng bawk. Wilder chuan, "Inbiakna a kal mek. Mi tam tak sumdawnna nghawng a nih avangin tih fel tur a tam em em a ni," tiin inbiakna chu awlsam taka fel thei a nih loh thu a sawi. Wilder hian inhnek hmaa a ṭawngkam mawi lo tak avangin WBC hmaa insawifiah a hmabak mek a, Pathianni zingah erawh ṭawngkam mawi takin Breazeale a thlah thung - Breazeale hian vawi 22 fight a hmachhawna vawi hnih a tlawmna chiah a ni a, Wilder hma hian Joshua a ngam lo. American boxer Wilder chuan, "Breazeale kha ka hmangaih thu leh hlim taka a chhungte bula kir tura ka duh thu ka hrilh. Ṭawngkam dengkhawng tak kan hmang ṭhin tih ka pawm a, mahse fight zawhah chuan chutiang chuan hmun a chang lo. Khawvel hi hetiang vek hi ni se ka ti ngawt mai," a ti zui.