Yonex leh Mizoram badminton thawkho dawn
Mizoram Badminton Association chu Yonex Sunrise nen an thawkdun dawn a, MBA-in promotional leh training programme-a an hman atan shuttle cock bawm 200, nuai 2.96 man hu chu Yonex Sunrise hian a tum sak dawn a ni. MBA hian naupang, hmabak nei engte chu sponsor turin Yonex Sunrise hi an dawr bawk a, inremna fel taka siam la ni lo mah se in dawr chhunzawm zel turin thutlukna an siam. May 17 khan Delhi khawpuiah Badminton Association of India (BAI) executive meeting leh annual general meeting neih a ni bawk a, he huna MBA aiawha kal vice president H. Lalnunsiama leh honorary secretary Lalrinzuala Pachuau te chuan Mizoramin badminton-a hma a sawn zelna tur atana pawisa hman tur nuai nga an rawn hawn. BAI hian Yonex nena thawkdun turin vaibelchhe 19.2 man hu contract an ziak bawk a, Sports Authority of India (SAI) enkawl ni lo shuttler, mi 50 hnenah international tournament khelhna tur nuai hnih ṭheuh an pe dawn bawk.