Ligue 1 player ṭha ber Mbappe

Union Nationale des Footbal­leurs Professionnels (UNFP) chuan tun season chhunga Ligue 1 chawimawina hrang hrang an sem chhuak a, Paris Saint-Germain forward Kylian Mbappe chu Player of the Year leh Young Player of the Year award hlan a ni.France international Mbappe hian tun season league match bikah goal 30 khungin top scorer a ni a, kum 20 mi chauh a nih avangin player ṭha ber nichungin young player chawimawina a dawng thei a. Young Player of the Year bik hi season thum chhung chu a dawng tawh a ni.AS Monaco tan pawha league nomawi chawi tawh Mbappe hi tun hnaiah Real Madrid nen sawi zawm a ni leh a, Spanish club lian hian manager atan Zinedine Zidane an lak nawn hnuah phei chuan a hnam pui hi a lak theih mai ring an tam hle.Mbappe chaun, "PSG-ah hian ka cham chhunzawm a nih chuan chona thar a ni zel dawn a, hmun dangah pawh nise chona thar hmachhawn chu ka thil chak a ni," tiin chhuah a hreh loh thu a sawi.