Premier League - contract tawp = hma hun chiang lo

Khawvela football league ngaihven hlawh ber tia chhal ngam English Premier League season a zo tawh a, June thla tawp ruala contract tawp tur player langsar zingah an awm nual. Contract tawp zinga player langsar tam zawk chuan contract thar an ziak dawn lo tih a chiang tawh a, Gary Cahill, Aaron Ramsey, Petr Cech, Vincent Kompany, Ander Herrera leh Antonio Valencia te chu player langsar zinga contract thar ziak lo tur leh an hma hun tichiang tawh an ni. 
Player langsar zingah Daniel Sturridge, Fernando Llorente leh Nacho Monreal dinhmun a la chiang lo thung a, an club khelhnaah an cham zel dawn nge hmun dang an pan dawn hriat a la ni lo. 
Sturridge & Moreno
Liverpool player langsar ni 'ṭhin' Daniel Sturridge leh Alberto Moreno chu Anfield-a an contract neih lai a tawp tawh dawn a, he thu buatsaih a nih thleng hian player pahnih hma hun a la chiang lo. 
Premier League danah chuan club hian player an chelh leh chhuahtir 'list' chu May kar thumna Inrinniah an thehluh ngei a ngai a, June-a Zirtawpni hmasa berah thutlukna mipui hriata puan tur a ni. 
Liverpool hian Sturridge leh Moreno hi an thutlukna chu an hrilh tawh ngei tura ngaih a ni - Moreno hi Barcelona nen sawi zawm an ni reng a, Sturridge hi Tottenham, West Ham, New York City, Newcastle United leh Rangers ten an duh niin an sawi bawk. 
Nacho khawiah nge?
Arsenal left back Nacho Monreal dinhmun tun thlengin a la chiang lo a, season tawp ruala a contract zo tur hi Barcelona nen sawi zawm an ni mek.
Mahse, Barca hian Moreno pawh an ngaihven tho nia sawi a ni a, Monreal hi Emirates Stadium-ah kum khat dang a cham chhunzawm dawn niin khawthlang media te chuan an tarlang bawk.
Spurs-ah Fernando Llorente a cham chhunzawm a rinawm tawh lo a, Spanish striker duhin AC Milan, Roma, Valencia leh Marseille ten an beng an chhi reng nia sawi a ni. 
 

ArsenalChhuak Tur: Danny Welbeck, Aaron Ramsey (Juventus), Petr Cech (chawl)Contract Zo: Stephan Lichtsteiner, Nacho MonrealBournemouthContract Zo: Artur BorucBrightonChhuak: Bruno (chawl)BurnleyChhuak: Stephen Ward, Anders LindegaardContract Zo: Peter CrouchCardiffChhuak: Aron Gunnarsson (Al-Arabi)Contract Zo: Bruno Ecuele Manga, Stuart O'Keefe, Jazz Richards, Kadeem Harris, Brian Murphy, Loic DamourChelseaChhuak: Gary CahillContract Zo: Willy Caballero, Rob GreenCrystal PalaceChhuak: Jason Puncheon, Julian SperoniContract Zo: Bakary Sako, Pape SouareEvertonContract Zo: Leighton Baines, Phil JagielkaFulhamChhuak: Ryan Babel, Lazar MarkovicHuddersfieldChhuak: Jonas Lossl, Danny Williams, Laurent Depoitre, Erik Durm, Jack PayneLeicesterChhuak: Shinji Okazaki, Danny SimpsonLiverpoolContract Zo: Daniel Sturridge, Alberto MorenoManchester CityChhuak: Vincent Kompany (Anderlecht)Manchester UnitedChhuak:  Ander Herrera, Antonio ValenciaContract Zo: Juan MataNewcastleContract Zo: Mohamed DiameSouthamptonChhuak: Steven Davis (Rangers)TottenhamContract Zo: Fernando Llorente, Michel VormWatfordContract Zo: Miguel Britos, Heurelho Gomes, Tommie HobanWest HamContract Zo: Andy Carroll, Samir Nasri, AdrianWolverhamptonNIL*Club-in contract zawng zawng an tarlan lem loh avangin contract zo tawh, tarlan loh an awm thei. Hetihrual hian contract zo tia tarlante hi season tawp ruala contract zo tur an ni a, an chhuak dawn tihna a ni lo. Contract thar ziak leh thei dinhmunah an ding.