Dubai-ah Sangtea inhnek dawn

Mizo professional boxer hmasa ber Lalrinsanga chuan zanin hian Caesars Bluewaters, Dubai-ah Tanzania Boxer Haidari Mchanjo a hmachhawn dawn. Mizo tlangval inlanna tur hi 'The Rotunda Rumble 3' tih a ni a, YouTube-ah a en theih ang.

The Rotunda Rumble 3-ah hian hneh loh la tawng lo Aliu Bamidele Lasisi chuan WBC International super flyweight title chu Norbelto Jimenez lakah humhim a tum dawn. Nigerian boxer Lasisi (14-0, 8 KOs) hian nikum April thla khan unanimous decision-in Nicaraguan veteran Ricardo Blandon a hneh a, WBC title an la.

Boxer langsar inhnekna zingah Sangtea a inlan dawn a, Khawruhlian boxer hian international fight a hmachhawn hmasak ber tur a ni ang. Sete Boxing Academy-a inzir Sangtea hian professional fight vawi thum a hmachhawn tawh a, nikum September thla khan Delhi-ah Mahesh Digari chu unanimous decision-in a hneh a, kumin January 26 leh February khan Malika Arjun leh Mukesh te first round-ah ve ve a knockout leh bawk.