Wimbledon-ah Murray a tel mai thei?

Hliam vanga inkhel thei loa awm mek Andy Murray chu Wimbledon-ah a inlan mai thei.

Mahse, a inlan a nih pawhin singles huangah ni loin double inelna lamah a nih a rinawm.World number 1 hlui Murray hi kumin January thla khan a vawi hnih nan a khel bawr hliam zai a ni a, Australian Open hnu lamah match pangngai a la khel leh rih lo a ni.

Kum 32 mi Murray chuan, "Grass inelna a hnai tawh a, singles match khel tura inbuatsaih nan chuan hun a tepter tawh. Amaherawhchu, harsatna lian dang nei loa ka kaltluang a nih chuan doubles ka khelh theih ka beisei," a ti.Britain fachuam Murray hian Grand Slam nomawi pathum a chawi tawh a, player hlawhtling tak ni tura ngaih ni mah se hliam a neih ngun avangin tun hnaiah inelna a hmachhawn tlem - tunkar tir aṭang khan tennis court-ah training a nei pangngai ve leh chauh a ni.