Quarterfinal-ah Zverev

French Open inbuat­saihna zinga pakhat Geneva Open-ah Alex­an­­der Zverev chuan Er­nests Gulbis hnehin quarterfinal a in vaw kai a, champion tura rinkai zinga mi Grigor Dimitrov erawh a chak lo thung.

Thawhlehni zan in­khelah German tlangval Zverev hian 6-2, 6-1 in hnehna a chang a, seeded pakhatna hian hnehna chang turin set hnih an khelh chhungin harsatna liantham a tawk lo.World number 4 Zverev chuan, "Gulbis hi khingpuite na taka nawr ṭhin a ni, tun ṭumah pawh khan min nawr na hle. Mahse, chiai loa ka khelh theih avangin round sang zawk ka lut," a ti.

Quarterfinal-ah chuan Janko Tipsarevic hnehtu Hugo Dellien nen an inhmachhawn leh ang.Inkhel dangah Grigor Dimitrov chu Federico Delbonis lakah 1-6, 6-4, 6-2 in a chak lo thung. Clay court inelna lian ber French Open hi May 26 aṭanga khelh tur a nih tawh avangin Bulgarian tlangval tan inbuatsaihna ṭha lo tak a ni.