Mizo boxer pahnihin semifinal an lut

Second India Open International Boxing Tournament chu Thawhṭanni aṭang khan Karmabir Nabin Chandra Bordoloi Indoor Stadium, Guwahati-ah khelh ṭan a ni. 

Inelnaah hian ram 11 aṭangin boxer an fuan khawm. Indian hmeichhe boxer 22-in semifinal an lut a, chung zingah chuan Mizo pahnih an tel. Mizo nula pahnih Vanlalduati (51 kg)  leh Kros Hmangaihsangi (57kg) ten vawiin hian semifinal an khel ang.India chhuan tawlawl Mary Kom pawh 51 kg category-ah telin semifinal a lut. Manipur boxer chuan, "India-in khawvel pum huap inelna a buatsaih hi a lawmawm hle. Boxer tam tak tan inphochhuahna hun ṭha a ni a, India ramin boxing-ah hma kan sawn phah ngei ang," tiin a sawi.